من النهاردة هاتقعدي والعريس يجيلك لحد عندك

من النهاردة هاتقعدى والعريس يجيلك لحد عندك‏


طبعا كل بنت حلم عمرها ربنا يرزقها الزوج الصالح

الصراحة انا فكرت كثيراً قبل عمل هذا الموضوع

ولكن قلت لماذا لا اساعد نفسى وغيرى فى ايجاد الزوج الصالح


ووجدت الطريقة وهو هذا الموضوع




لكن ممكن تكملوا الموضوع للاخر وتردوا عليا

ومحدش يخرج من غير ما يكمل الموضوع


واشوف مين هاتبدأ معانا وتكتب مواصفات الزوج الصالح اللى بتحلم بيه


انا الصراحة فكرت فى الموضوع ده

لانى عشت زى اى بنت نفسى اتجوز من انسان مناسب وحاولت زى كل البنات انى ادور عليه بس بطريقة محترمة لان تربيتى منعتنى من الغلط وكمان دينى لكن ملقيتوش دورت كتير لكن دون نتيجة ولقيت وانا بدور شباب كتير ضيعين وبنات ضيعين كله نفسه فى حل البنات عاوزة تلاقى واحد جد ومحترم والشباب عاوز اى حاجة تساعده عشان يقف على رجليه عشان يشتغل وبعدها يفتح بيت وبالشكل ده محدش فى الاتنين قدر يحقق حلمه فبقى فيه ضياع وغلط ومخدرات للشباب وانحراف للبنات وجواز عرفى وغلط كتير بقى فى حلم ميت للطرفين وحضرتك عارفه الباقى


انا لقيت الحل



بصوا يا جماعة الموضوع سهل جدا كل ما عليكى هو انك تتدخلى وتتمنى زوج صالح


وتتدفعى قيمة الاشتراك وبهذه القيمة البسيطة فى خلال شهرين يا ستى هايكون إن شاء الله عندك عريس لحد البيت


وان شاء الله يكون فيه كل المواصفات

ونبارك لها





بس قبل ما اقول لكم على قيمة الاشتراك

ممكن نتكلم مع بعض شوية



يقول الله تعالى

((فقلت أستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا ))


والرسول صلى الله عليه وسلم قال

من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب


بصى القصة دى


قصة الخباز مع الامام احمد بن حنبل رحمة الله عليه

كان الإمام أحمد بن حنبل يريد أن يقضي ليلته في المسجد ..

ولكن مُنع من المبيت في المسجد بواسطة حارس المسجد..

حاول مع الإمام ولكن لا جدوى...

فقال له الإمام : سأنام موضع قدمي...

وبالفعل نام الإمام أحمد بن حنبل مكان موضع قدميه...

فقام حارس المسجد بجرّه لإبعاده من مكان المسجد ...

وكان الإمام أحمد بن حنبل شيخ وقور تبدو عليه ملامح الكبر ...

فرآه خباز فلما رآه يُجرّ بهذه الهيئة عرض عليه المبيت...

وذهب الإمام أحمد بن حنبل مع الخباز ،فأكرمه ونعّمه ...

وذهب الخباز لتحضير عجينه لعمل الخبز...

فسمع الإمام أحمد بن حنبل الخباز يستغفر ويستغفر ...

ومضى وقت طويل وهو على هذه الحال...

فتعجب الإمام أحمد بن حنبل ، فلما أصبح سأل الإمام أحمد الخباز عن إستغفاره في الليل ...

، فأجابه الخباز : أنه طوال ما يحضر عجينه ويعجن فهو يستغفر ...

فسأله الإمام أحمد : وهل وجدت لإستغفارك ثمره ؟ والإمام أحمد سأل الخباز هذا السؤال...

وهو يعلم ثمرات الإستغفار ، يعلم فضل الإستغفار ، يعلم فوائد الإستغفار...

فقال الخباز : نعم ، والله ما دعوت دعوة إلا أُجيبت ، إلا دعوة واحدة...

فقال الإمام أحمد : وما هي؟

فقال الخباز : رؤية الإمام أحمد بن حنبل.

فقال الإمام أحمد : أنا أحمد بن حنبل ، والله إني جُررت إليك جراً



تعالوا شوفوا التجربة الجميلة ديه
المشاركة الأصلية كتبت بواسطة وئام عبد المجيد مشاهدة المشاركة
جزاكم الله الفردوس الاعلى يابنوووووووووتة على موضوعك القيم ده وبجد بجد يابنات الموضوع ده عن تجربة معايا حأحكيلكم من الاول
قبل شهر من خطوبتى كنت باتفرج على برنامج دينى وكان بيتكلم عن فوائد الاستغفار
وكان بيقول الشباب اللى عاوزين يتجوزوا وربنا يرزقهم بالزوج الصالح يستغفروا بنية الزواج ومع كل سجود يدعوا رب انى لما أنزلت الى من خير فقير
واللى يعمل الموضوع ده لازم يكون على يقين وثقة إنه إن شاءا لله حيحصل يعنى حيحصل
ومن ساعتها بقيت فى كل وقت استغفر ربنا وكمان مش لازم 2000 مرة لان ممكن مع استغفارك طول اليوم ممكن يكون أكتر كمان وبعدين كنت كل سجود بادعى ربنا بالدعاء رب انى لما أنزلت الى من خير فقير والله قبل مايعدى شهر كنت مخطوبة خطوبة جميلة قوى لشاب فى قمة الالتزام وحافظ القرأن وواخد جوايز كتيرة عليه وحاجة فوق الوصف أكتر ماكنت أتمنى
وبقيت أخد موضوع الاستغفار ده أساسى فى حياتى بعد كده وقلت الوصفة الربانية دى لكا صحباتى ووالله كل صحباتى القريبين منى اتجوزوا كلك وربنا رزقهم بالذرية الصالحة
عقبالكوا يارب
وشكرا يا وئام على نصيحتك الجميلة ديه

وده كلام على لسان اخت لينا

فى يوم قررت انى ابدء حملة استغفار بنية الزواج من انسان مناسب وفعلا بعد 4 شهور ربنا كرمنى وبعتلى انسان

مناسب لكن كان فى مشكلة ان ابويا على المعاش وميقدرش يجبلى اى حاجة من جهازى زى اى بنت قررت انى اكمل

استغفار على امل ان يحصل جديد وفعلا بعد 3 شهور واقسم بالله ان فلوس جوازى وزيادة جت من حيث لا نحتسب

ومن غير اى ذل وربنا كرمنى واتجوزت زى احسن بنت ابوها يجهزها

وبدئت اقول لاصحابى يستغفروا عشان الجواز وفعلا ربنا كرمهم

وبدئت اقول لاقاربى اللى مش لاقيين شغل يستغفروا عشان يشغتلوا وفعلا حصل

ومن يومها وكل ما اقابل حد عنده مشكلة اقوله على الاستغفار وانا اقسم بالله انه العلاج السحرى لكل البنات

ارجوكم يا بنات بلاش تضيعوا الوقت محدش فى كل دول احسن منكم واحنا بنضيع الايام فى حاجات تافهه ارجوكم ابدوء وان شاء الله قبل رمضان اللى جاى كلكم تبقوا فى بيوت ازواجكم ان شاء الله




تعالوا بقى واعرفوا قيمة الاشتراك


بس معلش لو هايكون كتير على حد فينا نستحمل احنا بنعمل حاجات كتيرة وبتكون على الفاضى لكن ان شاء الله ادفعى الاشتراك ده وهاتتجوزى فى اقرب وقت





المطلوب


منك انك كل يوم تستغفرى 2000 مرة بصيغه استغفر الله هتاخد منك 20 دقيقه بس لو مسبتيش يوم واحد من غير ما تستغفرى او الشيطان يياسك

** سمعت عبد الله بن بسر يقول قال النبي صلى الله عليه وسلم طوبى لمن وجد في صحيفته استغفارا كثيرا

وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ



الشيطان بيقول اهلكت بنى ادم بالمعاصى واهلكونى بلا اله الا الله والاستغفار


فى خلال شهرين بامر الله حياتك هتتغير جدااااااااااااااا

هتتجوزى باسرع ما ممكن تتخيلى ومن اللى بتحلمى بيه
وفى بنات فى المنتدى وبنات اصحابى من الحياة سمعوا كلام ربنا وصدقينى كلهم مخطوبين او متجوزين

لان الاستغفار بيفك السحر والحسد والمس وبيحل كل العقد صدقينى مش هتندمى 20 دقيقة كل يوم لدنيتكم واخرتك

ها تبدئى ونكون اصدقاء ولا مش محتاجة اختارى وابعتيلى وانا متاكده انك عاقله وهتختارى كويس


والاستغفار لزياده قوة البدن (استغفروا ربكم ثم توبوآ إليه يرسل السماء عليكم مدراًراً ويزيدكم قوة إلى قوتكم ) [ سورة هود : 52] ...

وللبعد عن المتاعب بردوا

الاستغفار هو عشان احنا بنتحرم من الرزق بسبب ذنوبنا لاننا بشر بنعمل ذنوب
عشان نترزق يعنى الجواز رزق والفلوس رزق والعيال رزق
عشان كل ده لازم نستغفر زى ما ربنا والرسول قالوا

يسلمووووووووووووووو

يسلمو براء موضيعك حلو ولله

شكرا ليكم

يسلموووواااااا