عاوزين ابو ساره رئيس البلاد.

من يوم واحد وعشرين وانا عينى ماشافت النوم ولا لليل ولا نهارمن الاحداث

الى الواحد شايفه فى ميدان التحرير.......................فى الليل قاعد امام التلفزيون

بقلب فى القنوات ومكهرب البيت ممنوع اى حد يتكلم علشان اعرف اركز فى المناظر

الفظيعه من كر وفر مابين الثوار وبين الشرطه...........وعلى ماافكر انام الاقى الفجر بيازن

يعنى وجبت صلاه الفجر..................وطبعا ما فيش نوم علشان ورايه شغل وبصراحه فى الشغل

ولا بنشتغل ولا حاجه مافيش غير نقعد نرغى ونفتى فى احداث البلاد ارجع من الشغل واركب

مواصله الاقى بارده الناس قاعدة تفتى اروح السوق الاقى الناس قاعده ترغى فى

السياسه حتى البياعين الاقيهم هما كمان بيتكلمو فى السياسه حتى وانا طالع العماره

لاقيت الى بيمسح السلم بيسالنى عن الوضع فى التحرير.............وبصراحه ياجماعه

وبدون اى موفاجئات لاقيت نفسى الناس شيلانى فى الميدان التحرير وبتهتف وتقول

عاوزين ابو ساره رئيس البلاد.......المشير يمشى........ابوساره يمسك البلاد؟؟؟؟؟؟؟؟؟؟

ايه الى حصل انا ماعرفش...................بصراحه انا مزهول فيه ايه ..ايه الى حصل

معرفش ِوبعدين اخذونى فى عربيه شكلها غريب ببص لاقيت واحد كده ماشاء الله مركب

اشى دبابير واشى نسور واشى حمام على الكتفين........وكل شويه يبص عليه باستغراب

وشويه الاقيه بيضحك عليا..........مش عارف فيه ايه بالظبط ..........المهم وصلنا لمكان زى

مايكون كده قصر الباشا الى كان قاعد جنبى نزل من العربيه وفتح الباب ....وقال لى اتفضل

ياريس نورت قصر الرئاسه........وقال لى احب اعرفك بنفسى انا المشير حسين طنطاوى

وجاى عشان اسلم لحضرتك الرئاسه وسيادتك هتحلف اليمين غدا وبعدها الوزاره هتسلم

لحضرتك استقالتهم................وبعدين هيكون فيه مؤتمر صحفى طيب يامشير ورينى

عرض اكتافك واتمشى.........من حق يامشير قبل ماتمشى لو سمحت خلى حد يجبلى

سيده مصر الاولى الست ام ساره والاولاد......انحنى ليه بصراحه بكل ادب واحترام وشد

رحاله........................المهم حلفت بالله اولا بان احافظ على البلاد وعشان يصدقونى اكثر

ويبقى فيه تغير حلفت بمئه طلاق من ام ساره بانى احافظ على البلاد....................

وبعد كده اخذونى على منصه مليانه مكرفونات اشى بيبسى واشى كاكولا واشى مارينده

بيقولو ليا صحافه عالميه ومحليه.................... وبدات الاسئله......اول سؤال ماهيا

شكل الوزاره ومين الى حضرتك هتكلفه بتشكيل الوزاره...........الجواب كان بانى هكلف

السيد المهندس(احمد محمود) بتشكيل الوزاره ويعين الى عاوز يعينه........

السؤال الثانى ماهيا رؤيتك لميدان التحرير فى المستقبل.........سؤال عظيم من استاذ

عظيم.........المشكله بسيطه جدا ........اولا لازم الشباب كله يشتغل يعنى هفتح التعينات

تانى وهبسطهم فى الاجور انا يعنى هقبضهم من جيب ابويا وابنى لكل شاب مسكن علشان

يتجوزو ....والبنات تتلم........ويبقى الكل مش فاضى يقف فى الميدان والبنات تبقى

فى الصبح يسرحواعلى شغلهم وبعد كده يروحو يطبخو ا ويحمو عيالهم وبالتالى مش

هنلاقى حد فاضى لميدان التحرير............................

وشويه ياجماعه وانا فى عز المؤتمر...................لاقيت صوت مش غريب عليا

بينده عليا وبيقول ابو ساره ابو ساره.........مش هتقوم بقى ياراجل الساعه بقت

سبعه انت مش رايح الشغل؟

يكسفك راجل ....................انا مش قلت لك كذا مره لما تنام بالجلبيه تلبس تحتها بنطلون

----------------------------------------------------------------------------------------------------------

يسلموووووووووووووو

يسلمووووو ابو ساره

عاوزين ابو ساره رئيس البلاد. Qataryat.net-fc57b172a6

مشكووووووووووووووور سامح

مشكوووووووووووووور ابو همام[b]

يسلمووووووووووووووووو