لا تشتكي للناس لو كنت مطعون !!

لا تشتكي للناس لو كنت مطعون !!

[size=29]اضحك وفلّ حجاجك اشفيك مطعون
دنياك ما تسوى وخذها نصيحه

مادام ما لك ميت ولا أنت مديون
ارم الهموم وخل نفسك مريحه

لو كانوا أصحابك يضاهون مليون
نق الكفو منهم وخل السطيحه

ولا تشتكي للناس لو كنت مطعون
والذم من بعض الخلايق مديحه

ولا تنحني للهم وتعيش مغبون
ترا المريح أهل العقول الصحيحه

لا صرت صادق قالوا الناس مجنون
ما يمدحون ألا النفوس القبيحه

وخلك صمود بوجه الأيام دندون
وما حرّم الله أثم لا تستبيحه

والكبر لو به فايده فاد فرعون
ومن ذاع سرّه بشّره بالفضيحه

والله لو يعطون لك مال قارون
ماشفت نفسك بالغنى مستريحه

انفض هموم القلب وابليس ملعون
وإن ضاق صدرك أرض ربي فسيحه

[/size]