هاذا الموضوع يتعلق با انواع البنات وتصرفاتهم داخل وخارج البيت

بس شوفو ارجو من خواتي اللي با المنتدى انهم ما يزعلو وتقبلو الموضوع بسعة صدر ,,,,, بدوووووووون زعل ......
هاذي اوصاف ( معضم البنات مو كلهم) وان فاتني اوصاف ما قلتها
ذكروني فيها ................
1_ نوعيه من البنات تشوفها في البيت غير وعند الناس غير....
على سبيل المثال...
في البيت لو يجي احد ويناديها تقوول هااااااااه
لكن خارج البيت( السوق,, الجامعه,,لما ترد على التلفون الخ)
تقول: سم او سمي طال عمرك هلا حياتي عفوا ما سمعتك اهلين.. الخ
ليه كذا ليه !! خلك عادي قولي هااااااه جوا البيت وبرى

2_ الملابس:
انواااااع الخلقنه في البيت... يعني تلبس بنطلون بيجامه وبلوزه بيجامه
لكن اذا طلعت ... لو تدخل مسابقه كان فازت.. بملكة الاناقه ...!!!
طيب سؤال يطرح نفسه؟؟؟ ليه ما تخلقنين في البيت وخارجه


3_ خفة النفس:
ونسبتها قليله جدا
يعني اعلب بناتنا عاجزات مثل شبابنا
بعض البنات من العجز .. حتى العبايه ما تلبسها ... تخلي الشغاله تساعدها ( ياااااااااي بس

4_ اذا تبون البنت فوضويه والا مرتبه... شوفو شنطتها اليدويه اللي تاخذها معها با استمرار
مثلا شنطت السوق.. بعض البنات الداخل شنطتها مفقود.. والخارج منه مرحوم!! يعني كل شيء تلقونه في الشنطه (مناديل,, قراطيس,علك ,, فواتير ,, غطاء روج بدون روج الخ.........
والبعض الآخر من البنات لاااااا... شنطتها انتكه مثلها انتكه = دوق

5_ راعية الحق والواجب:
بعض النساء .... ما شاء الله عليهم راعية حق وواجب . مثلا ........
( زيارات عائليه... مناسبات .... الخ كلها تقوم فيها
لكن البعض الآخر.. تقوم با الحق والواجب على حساب زوجها وبيتها وعيالها .... على سبيل المثال..
تظغط على زوجها انه يوديها... لبنت عم خال جد امها عشان توها ساكنه في بيت جديد يبي لها زياره ونزاله بعد ... يزعمهاان اللي تسويه حق واجب طيب ورى ما تسوي حق واجب في رجلك .. وتعفينه من الزيارات اللي مالها سنع
انا ما اقول انها لا تروح لزياره.. لكن اذا تهيأت الفرصه لها من الافضل انها تروح..... لكن مو على حساب شيء آخر تقوم با الحق والواجب

6_ بعض البنات ما يفرقو بين الطلعه العاديه ... والطلعه للجامعه...
والطلعه لسهره.!!!!!
يعني اليك اب لكل ها الطلعه واحد واللبس والشعر كذالك .... يعني
وووووووووووين رايحه با الله ... وشهوله ها الكلافه!!! لازم تفرقين بين كل طلعه والاخرى
يعني انا ودي اسال بعض البنات خصوصا اللي با الجامعه
متى يديك تقومين النوم وتحطين ميك اب . وخصوصا انك بتورحين للجامعه .. نفسي اسال هاذا السؤال بس اخاف اني اتهزأ ( عاد انا حساس) ( ياهوووووو يا حساس) وما احب احد يهزئني بعدين ما عاد اروح للجامعه من شدة التاثر .... يعني المفرووض عزيزتي انك لما تقومين من النوم تكونين مطنقره ولا تحاكين احد مو تتمكيجين والله من الفضاوه ...........
لان الزين زين ولو قام من النوم... والشين شين لو دعج عيونه ( قاعده ضروريه جدا )

7_ الدلع :
هاذي غريزه في البنت ... يعني اذا محد دلعها ... هي تدلع نفسها
لكن فيه دلع عن دلع .......
الدلع اللي يجي على سيجته يعني على طبيعته .. يااااااااااااااااااااحلوه
لكن الدلع المصطنع . واااااااااااااااااع ع ع يحوم الكبد ... صلا ما ودك تحكي مع وحده تصطنع الدلع.... وياكثرهم اللي من ذا النوعيه .

8_ البنات النصابات :
يمكن تستغربون اذا قلتكم ان فيه بنات نصابات... لكن الصدق ينقال.. فيه
وياشينهم ... عليهم نصبن موب صاحي ... !!!!
يعني ابعطيكم امثله .....
** تدرين ان اسير الشوق امس جا يخطبني ... ورفضت لانه بيسكني مع اهله ....... !!!!!!

** شرت هاذا التيور من هارفي نكلز كان عامل دسكاوند.... وهي شاريته من المعيقليه .... !!!!

** ساره ليه ما جيتي امس للحفله....
امس بصراحه كان زواج بنت خالتي ... كان في نياره .... وهي نصابه جاينها خوالها من حريملا .. ولا قدرت تروح للحفله..
(( انواع النصب))

9_مصلحجيات:
ويااااااكثرهم عندنا .. يلتزقون بصوره ميب طبيعيه موب لله عشان.... حل واجب وإلا عشان فلان الفلاني يقربلك... او غيرها من المصالح
يعني ما تمشي معك لسواد يعونك..عشان مصلحه وبس.. وان قضت المصلحه اتحدى ان طالعت موب سلمت عليك .....

10_ تحمق:
فيه نوعيه من البنات تحمق بسررررعه.. مثلا .. لو تقولها وش ذا اللون موب زين عليك( من باب المزح ) عصبت وحمقت
وقالت وش فهمك با الذوق يا قروي.. انت حدك جلابيه من حلة القمصان

11_ ابي اقولكم شيءفي صف الشباب بعضهم مو كلهم انا ماني منهم.. يعني يجيك شاب في حااااااااله موب يم احد ..وتجي البنت تقول: شوفي هاذا قليل الادب من الصبح يلاحقنا.. مالت عليه ..ذا البايخ .. ودك من يسنعه .... الولد مو حولها تلاقونه مسكين يفكر في شيء ثاني .... تكفين شوفي شكله بس انت واغسلي يدك .. اصبري على وبهزئه.. وهووو مهو يمها الضعيف..... لكن تصير مع البنات كذا ..يظنون ظن سيء فيهم .

12_ دلخه:
عمركم شفتو بنت دلخه هههههههههه
انا قد شفت بس لا يفوتكم

13_ رايعة سوااالف:
يوووووووووه هاذي النوعيه متعبه مرررره
يعني تجيك الوحده تسولف تسولف تسولف ما تعطي احد فرصه يحكي وكن ما فيه الا هي... ناهيكم عن التلفووووووووون
ما اقوووول الا الله يعين رجلن بياخذهااااااااااا

14_ الضعيفه :
فيه بنات ضعيفات لكن مو كثير.. هاذولي البنات يرضون بأي شيء
مالهم رأي.....
كل شيء عندها ايه .
ما تعرف كلمة لا .......
واذا احد سالها تكون اجابتها بكلمة ( مادري)
ولا تناقش ولا شي
شفت بنات زي كذا بس مو كثير

15- فرفووووشه وفروووحه:
يعني تحب الضحك والفرفشه والتعليق...
النكد والطفش ما تعرفه... وتتعب نفسيا اذا قعدت مع ناس ثقيلين دم
حتى لو كان ما معها احد يضجك ويسولف ..تروح تشوف وجههاا با المرايه
وتقعد تعلق على نفسها وتضحك ههههههههه

16_ شافه نفسها:
وياكثرهم البنات اللي شايفات انفسهم .. البعض من البنات يحق لها ان تشوف نفسها.. لكن بلاااااال اللي ما يحق لها... على ايش شايفه نفسها.... ما ادري ؟؟؟
ما تكلم الناس الا من طرف خشمها......
واذا حكت مع احد مستحيل تناظره
واذا ردت ترد عقب الشين
غالبا هاذي النوعيه من البنات ما عنهم سالفه كن هاذا والله من القهر


وشكرا:

بنات قلنااااااا بدون زعل
وشكرا

عندي طلب ارجو من اخواتي اللي في النتدى يردو على وابي منها اذا ماعليها احراج انها تقولنا بكل صراحه هي من اي نووع
بدوووون زعل

يسلموااااا