علي بلاطه يا اساتذة

علي بلاطه


هذا هو إسمه ...وصفته


إنه مسح ....
ميح من زمان
ثم بلغ من العمر أرزله


ومع ذلك يلجئ الجميع إلي حكمته


كما انه بيجيب من الاخر ..
يعني بيقول الكلام "علي بلاطه"
زي إسمه
راجل بيقول إلي في قلبه ...


لذا فهو بكل الحكمه يري أن الناس إلي بيزعقوا بره ...
ناس "غلابه" ..خلوهم يتسلوا


كما انه من سنين ليست بقصيره مريّح دماغه ...
و بيأمر كل من حوله بإنهم ما يجيبوش له اخبار وحشه


طيب إزاي ...ولكنهم عملوا كده


الراجل نايم و بيحلم إن كله تمام ...
والناس الي زعلانه زمره "بتتسلي" بالزعيق...
علي "التوازي "


كما انه في أثناء نومه الثقيل ...
كلما أصر "أحدهم" علي إبلاغه رساله بـأن في مشكله ...
فالحل سهل ...
فهو بيسأل :


"إيه الي بيطلبه الفتوه و صبيه ..."
ماشي ....
و سيبوني أحلم بقي


الناس إلي مستنيه الحلول من علي بلاطه ...ناموا....
أو بيبرقوا زي المنشانيق


البيت إلي علي بلاطه "مأمور إتحاد الملاك " فيه...
قرب يغرق
و سكان العماره...بتفرجوا علي المياه حول البيت ...وكمان بيبصوا لعلي بلاطه


و بيقولوا في نفس واحد ....وبقوة


وحدووووووووه ..!!!


حد فاهم حاجه ؟!!
و ما فيش فايده ...
علي بلاطه ....
ده دايماَ الناس بتسيئ الظن بيه
علي بلاطه ...
رجل صارم ..
حنون ...
وطني ...


هو صحيح ميح ...
ولكن هذا ليس ذنبه
فالتربيه ...والتعليم ...أخرجته موظف بيعرف ينفذ الأوامر فقط ...
لا يقدر علي الإبتكار ...


وهو "كمأمور إتحاد ملاك" لابد ان بتكر حلول لمشاكل "عقاره"


كلامنا في هذا التوبيك عن علي بلاطه ...
و العقار ...
و مجلس إدارة العقار ...
بواب العقار ...
و أصحاب المحلات في العقار ...
و أخيراَ سكان العقار


تعالوا نسخّن "بتصرف" ...
مع..


كأنك مفيش
للنجم الشاعر الفحل

برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..
***
يا فرحة قلوبنا "حبيبنا" ظريف ..
فُكهي ..
إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر ..
مفيش !!
***
مسيِّب علينا عصابة حبايبك
فضايح وسرقة ونهب بسبايبك
مابين "سرب" نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش !!
***
باعونا فـ حضورك ..
ببركة عِبـيدك وغالي وسرورك
باعوا الأراضي .. وكل المصانع
وباعوا البنوك ..
وقدَّام عِنيك .. صوتنا إتـنبح ..
ننادي عليك ..
إلحق يا "بلاطه" : ده باعوا الحديد !!
وأنت منشِّف دماغك عنيد !!
.. كأنك مفيش !!
***
دوشتوا دماغنا ” بجمال ” طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا "حبيبنا" واضح .. صريح
قوم بينا صلّح وفتَّش .. وثور
ح نكتب تاريخك يا "حبيبنا" بنور
مش تبقى عايش كأنـَّك مفيش !!
***
ورحمة أبوك .. مادام أنت قاعد
عيب لمَّا عُصبة نَـوََر يسحبُوك
م تُقبض عليهم .. م تقطع إيديهم ..
م تعمل عليهم يا "حبيبنا" شاويش
بدل م انت ساكت وقاعد مفيش
***
يا بلاطه علىّ الطلاق تعبانين !!
يا بلاطه علىّ الحرام كفرانين !!
صبرنا سنين ..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين !!
ما تنهض يا بلاطه تلم الديابه ؟!!
ده شعبك غلابه ..
ومليان طيابه ..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا يا بلاطه تعب فوق عذاب
يا بلاطه ” شريفك ” ماهوَّاش شريف !!
” نظيفك ” يا بلاطه ماهوَّاش نظيف !!
وحتى ” حبيبك ” ماهواش حبـيب !!
وأنا غصب عني .. خلاص إستويت ..
بـ غـُلبي إنحنيت ..
وطلعان عنيا .. وصعبان عليا
بحسبة بسيطة ومن غير خريطه ..
وكونك مفيش .. لقيت متساويش
ومش فارقه أعيش ..
نويت أشتكيك للِّي فوقي وفوقك
وأصلي الفرايض ..عسى يفـُك طُوقـك
قالولي إللي يسجد عدو النظام !!
حاولت أحكي حالي ..!!
قالولي الحكاوي نميمة وحرام !!
فكرت أكتب ..
لقيتكم سيادتك منعتوا الكلام !!
فقررت أحلم ..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .. تاخُدني أمَّا انام !!
***
حلمت إني شعب ..!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ “أولاد علي”
ورجلي على جزع نخلة فـ “حلايب”
ومرتاح براسي على حِجْر بلدي
وشوفتك يا بلاطه ..كأنك ولي ..
كأنك نبي ..
فـ إيدك عصاية وليك معجزات
وانا فـ جنَّه خضره .. وتحتي جداول ..
ومن فوقي نور .. وريحة بخور ..
همست ف ودانك بآخر وصيّة :
إنسى إللي فاتك ..
هننسى الأسية .. !!
أمانه عليك ..
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا بلاطه وبـينك
وحَق اليَمِين و” الكتاب ” فى يمينك
بحق الشهيد .. إللي رافع جبينك
وجيش إنتصارك فى يوم "كيبور"
وجيل حُر طالع .. وعدته بدور
لملم عيالك .. وجمَّع فـ مالك
وإسحب ” جمالك ” وسيبنا وغور

.

تسلمي لمرورك يا استاذة ساندى

شكرا سامح

دائما متألق سامح يسلموااااااااااااا

شكرا سامي

شكرا شيمو تشجيعك لي

يسلمووووووووووووو

يسلموووووووووووو