نكت مصرية تمام

مره واحد معاه فيات قديمه ماشى بيها على الصحراوى عطلت منه,
فقام شاور لعربيه على الطريق طلع صاحبها واد روش معاه مرسيدس
فقام قاله: بص يا عمو أنا هجرك لحد الرست, و بعدين صلح عربيتك! بس لو لقيتنى سرعت رعشلى نور.
ربطوا العربيه وطلعوا, قامت عربيه بى ام عدت صاروخ من جنبهم, راح الواد
بتاع المرسيدس فاتح وراه! وبتاع الفيات شغال يرعش نور للمرسيدس ولا
هو هنا!
فالرادار صورهم ، ظابط المرور راح متصل بالكمين وقال لهم: هتعدى عليكوا
عربيتين واحده مرسيدس! و بى ام! سيبوهم!!! و هاتوا الكلب بتاع الفيات
اللى بيرعشلهم وعايز يعدى منهم

المثل الصيني : لا تعطيني سمكة ولكن علمني كيف اصطاد

النسخة المصرية المترجمة لنفس المثل بالظبط
.
.
... .
.
.
.
.
.
لا تعطيني سمكة .. ولكن خليهم 2 كيلو عشان العيال وامهم و ماتنساش علبتين رز بقى

و العيش والطحينة .. واتوصى و حياة والدك

واحد ندل بيعلم اولادة الندالة وهو بيموت قالهم الندالة ثم الندالة ثم الندالة مات رموه من الشباك

واحد اتصل بمراته قالها حضري المية السخنة!
راح صاحبة قالة انت حمش قوي قالو امال هاغسل المواعين بمية باردة

مرة واحد بتاع سمك ابنه مات فماشى فى الجنازة يقول: كان صاحي وبيلعب

ندل واقف فى ميكروباص ضحك لبنت ضحكتله غمزلها غمزتله شاورلها تنزل نزلت قعد هو مكانها

مرة فار فشار شاف جثة اسد قعد
يجر فيها لغاية ما وصلها الغابة المهم الحيوانات كلها قعدت تهتف وتقول
عاش الفار ، راح الفار رفس الاسد برجله وهو بيقول انا لما اتعصب ما
برحمش

إتصلت سيدة بالشرطة لتشكو ابن الجيران الذي يتحرش بها .
جاء الشرطي ليتأكد من البلاغ :
ــ ايه يا ستي المشكلة ؟
ــ ابن الجيران يا باشا بيطلع لي عريان كل ما اطلع انشر الغسيل فوق السطوح .
فصعد معها فوق السطح ليعاين بنفسه .
ــ فين يا ستي ؟
ــ اطلع فوق البرميل ده يا باشا وبعدين بص في الخرم اللي في الحيطة ده وانت تشوف سفالته !

تم طرح مناقصة لصيانة سور البيت الابيض
تقدم 3مقاولين امريكاني و مكسيكي و مصرى للمناقصة
الامريكاني اخد مقاسات السور و تقدم بسعر 900 دولار
سأله مسئول البيت الابيض: ليه 900 دولار
قال : 400 دولار خامات+ 400 دولار عمالة و 100 دولار مكسب
و المكسيكي اخد مقاسات السور و تقدم ب 700 دولار للمناقصة
لما سأله قال: 300 دولار خامات+ 300 دولار عمالة و 100 دولار مكسب
أما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دة
المسئول رد علية و قالة: ليه يا عم كل ده
رد علية المصرى و قالة: 1000 دولار ليا و 1000 دولار ليك و نجيب المكسيكي يعمل
الشغلانة بـ 700

بيقولك اوباما اتصل بمبارك وقاله عايزك
تبعتلي رجالة من عندك يساعدونى فى الانتخابات الامريكية و بعد يومين
اتصل اوباما وقال لحسنى روح يا شيخ منك لله وقفل فى وشه السكة راح
حسنى مبارك اتصل بالرجالة بتوعوا وقالهم ايه الاخبار قالولوا مبروك يا
ريس انت كسبت الانتخابات الامريكية

واحد بيقول لمراتة
انا كسبت مليون جنية جهزى شنطتك بسرعة قالتلو طيب اخد الهدوم الصيفى
والشتوى ؟؟ قالها خدى اللى تاخدية المهم ارجع البيت ملاقكيش

غبى مسكوه بيزور فلوس بيقول للضابط أموت واعرف عرفتوا أزاي ؟
الضابط قاله يا ابن الجزمة هو في ورقة ب65 جنيه

بيقولك فيه واحد بلدياتنا اشترك بمسابقة من سيربح المليون وكان السؤال الثاني:
عصفور باليد ولا عشرة على..........

أ) الشجرة ب) البقرة

ج) الصفراء د) الحمراء

فقال لجورج قرداحي من أولها صعبة . ما نسأل الجمهور،
فكان جواب الجمهور 100% الجواب الأول الشجرة،
فقال لجورج مش دايماً الجمهور على حق،نحذف إجابتين. حذفله إجابتين فبقي الجواب الأول الشجرة
والجواب الثاني البقرة.
فقال لجورج يااااادي المصيبة بقى الجوابين الشاكك فيهم .
طب نتصل بصديقي ( هريدي ) فأتصل بهريدي ( إزيك يا أبو صميده كيف أخبارك ، أم صميده إزيها والعيال --)
راحت الثلاثين ثانية وملحق يسأله السؤال.
فسأله جورج قرداحي وهلا شو بدك تسوي
فجاوب راح أنسحب ياعم و آخد ال 200 ريال بتاعت السؤال الأول والمثل بيقول:

عصفور باليد ولا عشرة على الشجرة

مجموعة صعايدة عملوا عصابه و قرروا يسرقوا بنك
زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل الجريليه بتاعت التكييف
بعد كده نخش كلنا من فتحة التكييف و نكسر الخزنه و ناخد الفلوس
لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله
العصابه : فاهمين يا رييس
المهم جت ساعة الصفر و فعلا راح محمدين البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش
رئيس العصابه : مافيش فايدة يا رجالة يلا نرجع الفلوس الخزنه الخطة فشلت

واحد صعيدي وواحد امريكي وواحد ياباني تايهين في الصحراء بقالهم ثلاثة ايام وفجأة ظهرلهم الجني وقال كل واحد فيكم ليه طلب واحد بس
الامريكي قال عايز اروح بلدي ونفذله الجني طلبه
الياباني قال عايز اروح بلدي ونفذله الجني طلبه
راح الصعيدي قاله واه هما سبوني لوحدي هاتهم لي تاني

واحد الدغ فى حرف الـ (ر) وبيتكسف جدا
لما يشترى شاورمة يقول للراجل هاتلى شويمة فبيقوله هاتلى واحد كفته وخلاص
وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح
... قاله خلاص قولها بكرة بس هتكون مرة واحده بس .. راح المحل وبيقول
للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد
كفتة الله يحرقك

هانم صعيدية بتقول
لجوزها هات بوسة!
قام باسها.
قامت قالتلوا: هع ضحكت عليك واخدت اللبانة من بقك!
قالها:
هع انى الى ضحكت عليكى دة كان بلغم!

صعيدي دخل مسابقة من يكسب المليون سئله
جورج قرداحي سؤال كان صعب شويه قام قاله ممكن اتصل بصديق اتصل بصحبه
وقاله ياحسنين ايه رايك احسن احزف اجابتين ولا اخد رأي الجمهور

مرة صعيدى عايز يعمل تجربة على ضفدعة
فقطع رجل وقال لها نطى فنطت قكتب الضفدعة بتلات رجول تنط وقطع كمان رجل
وقال لها نطى فنطت فكتب الضفدعة برجلين تنط فقطع كمان رجل وقال لها نطى
فنتط فكتب الضفدعة برجل واحدة تنط وقع الرجل الاخيرة وقال لها نطى فما نتط
نطى فما نتط فكتب الضفدعة بدون رجول تفقد حاسة السمع