يعني اية اب

موضوع: يعني اية اب الجمعة يناير 27, 2012 7:27 am

يعني ايه أب
..
..
• يعني تفتكري وانت صغيره اما كنتي تنامي علي الكنبه ويجي بالليل...
يشيلك يوديكي أوضتك

• يعني يدخل عليكي بالليل وانتي نايمه عشان يطمن اذا كنتي متغطيه كويس ولا يغطيكي

• يعني تصحي بالليل وتبقي مكسله تقومي من مكانك ..
فتنادي عليه وتقوليله بابا عايزه أشرب

• يعني تقوليله عايزه اطلع رحله مع أصحابي .. يقولك مينفعش ..
تقومي تزعلي .. يجي وراكي بعدها بشويه ويبوس راسك ويقولك خلاص ولا تزعلي

• يعني اما تخرجي معاه .. تمشي معاه متعلقه في ايده
زي ما كنتي بتمشي وانتي صغيره

• يعني تفتكري اما كنتي صغنتوته لسه وكان شايلك علي كتفه ..
والدنيا عماله تمطر عليكم

• يعني تبقي قاعده في البرد رجلك متلجه وتيجي تقعدي جنبه وتحطي رجلك علي
رجله عشان يدفيهالك .. وهو يهزر ويقولك امك ثم امك ..يلا روحي عند ماما

• يعني أما يبقي عندك فار في البيت تتلموا كلكم في أوضه .. وتسيبوه هو لوحده مع الفار لحد ما يموته

• يعني أما يجيلك عريس تلاقيه قاعد بيتكلم معاه وفخور بيكي ويحسسك ان مفيش حد في الدنيا عنده بنت زيك

• يعني أما تزعليه وتشدي معاه في الكلام .. وتروحي بعدها تقوليله بابا أنا اسفه .. يقولك حبيبتي أنا عمري ما ازعل منك

• يعني يوم جوازك .. تشوفي في وسط فرحته بيكي دموع مقدرش يمنعها عشان خلاص مش هتبقي معاهم في البيت

• يعني يوم اما يعرف أنك حامل وانك هتجيبي نونو يبقي فرحان أكتر من جوزك ذات نفسه

• يعني ساعة ولادتك تلاقيه واقف بره هيتجنن عليكي وعمال يقرا قرأن ويدعي ربنا يقومك بالسلامه

• يعني يبقي فرحان بابنك أو ببنتك وسايب اللي وراه ورايح جاي يلعب معاه..كأنه طفل

• يعني الحنان والحب والامان

• يعنى مش عارفة اوصف بأية ...ولا أقول ايه

موضوع: رد: يعني اية اب الجمعة يناير 27, 2012 1:47 pm

يعنى ايـــــــــــــــــــــــــــــــــه لو مسكك وضربك

مشكــــــــــــــــــــــــــــــــوره

موضوع: رد: يعني اية اب الجمعة يناير 27, 2012 9:51 pm

لا يعرف قيمة الاب الا الزي يفقدة من غير شر عن جميع ابائكم

يسلموووووووووووووووو

» صبري لا يعني عجزي ..
» إنسحـــــــــابي من حياتك,,لا يعني هزيمتي,,
» يعني إيه التعليم فى مصر ؟
» يعني ايه كلمة صحوبية ؟!
» هل يعني لك هذا الرقم شيئا