نصيحة شاب لزميله فى كيفية كسب ود البنات

واحد عامل نفسه زكى بينصح صاحبه فى موضوع البنات قاله عشان تكسب قلب البنات لازم ...تريحها فى الغيارات وتدلعها فى المطبات هههههههه يااما تتبع العشر خطوات ديه أولاً : ((البنت بتحب الولد التقيل)) خلى دمك تقيل عليها ... سوق الرخامة عليها سوق التلامة والغلاسة ولو ما بتعرفش تسوق , طلع رخصة... مطلعتش...أضرب رخصه.

- ثانياً : ((البنت بتحب الولد الغنى)) أسرق ... أنهب ... أعمل أى حاجه عشان يبقى عندك فلوس .. فلوس كتير... كتير أوى أوى أوى كمان , مره .. مش ضرورى حلال, يستحب أنها تكون كمان حرام , عشان تحس أن أنت كريم عبد العزيز فى حرميه كيجى2 ولو ما عندكش فلوس ...وفاشل , أرسم عليها أنك غنى , أشتغلها.. هو أنت يعنى لاقى شغل يا فاشل أشتغلها وأعملها شغلانتك.

- ثالثاً : ((البنت بتحب الولد الى ماتفهموش)) خليك متخلف فى أسلوبك وطريقتك معاها خليك أهبل فى كلامك, ماتديهاش كلمه مفيده أبداً تفهمها منك, وان فهمت كلمه منك أرجع قولها عكسها خليها تتهبل ولا تفهمش حاجه خالص.

- رابعاً : ((البنت بتحب الولد الكداب)) أفتح عليها علب ...أحكيلها عن رحلاتك للمريخ وغزواتك وفتوحاتك كلمها عن اختراعك للبنسلين وعن قدراتك الخارقه على الطيران وقراية أفكار الناس , وانك بتعرف كل حاجه فى الدنيا وأهم حاجه أنك بتعرف هى بتروح فين كل يوم وبتخرج تهبب ايه وتقابل مين.

- خامساً : ((البنت بتحب الولد الحبوب المحبوب)) استخف نفسك وخليك كده فريش طول الوقت وغلس على كل خلق الله وهزر فى أى وقت وبداعي ومن غير, حسسها أن كل الناس بتحبك تهزر معاهم.

- سادساً : ((البنت بتحب الولد إللى مش راجل)) خليك ناعم كده وبسكوته وحساس أوى خالص جدا موت عالأخر ياي حس شويه.

- سابعاً : ((البنت بتحب الولد إللى يفهمها انها أحلى بنت)) أوصفلها فى جمالها واحكيلها قد أيه هى فاتنه, وحلاوتها مدوباك ومسهراك يا حبه عين أمك, وان هى الوحيده فى العالم إللى حلوه وهى بس إللى يتبصلها ,لان البنت لازم تحس انها أحلى واحده.. , ليه بقى ؟؟؟ لان ماعندهاش عقل يفهم إن ربنا فضل الناس على بعض فى خلقها وأشكالها.

- ثامناً : ((البنت تموت فى الولد إللى شكله معتوه)) البس لبس غبى ....لازم تسقط البنطلون ,البس تيشيرتات مرسوم عليها فران وكلاب وحمير , البس جزم حمرا وكوتشيات خضرا وخليك بلياتشو , حاول تغير فى أسلوب لبسك, البس هدومك بالمقلوب وبرضه ما تنساش تسقط البنطلون, طول شعرك ونزله على عنيك, ولو شعرك أكرت طوله برضه واحلق خط بعرض 3سم فى نص راسك بالطول ... لو عمرو دياب مره حلق حواجبه أوع تتردد... اديها حواجب قرعه علىطول.

- تاسعاً : ((البنت بتحب الولد التافه)) اتكلم ع التمثيليات وبرامج التليفزيون والأغانى الجديده والفيديو كليبات والمطربات والمطربين ... وخد بالك من النقطه الجايه دى بقى, "اقنعها ان أنت صوتك حلو وبتغنى وقريب هيكتشفوا موهبتك وهيخلوك تغنى فى برنامج مواقف وطرائف الحيوانات".

- عاشراً : ((البنت تحب الولد إللى بيحب غيرها)) عمرك سمعت عن بنت حبت واحد بيحبها ؟؟
بالتأكيد لاء, طيب خد النصيحه دى.. أهم نصيحه وسر نجاح أى علاقه بأى بنت...؟؟؟
البنت ماتحبش أى واحد يحبها.. وتحب أى واحد تكون هى ولا على باله ..طنشها واركنها, ولا تحسسها إنها بنى ادمه, وأهم حاجه الكلام إللى فات ده كله شرط إنك تعمله مع أكتر من بنت, ويستحب يكونوا خمس بنات أو من مضاعفات العدد خمسه, لان ده الرقم الى بيمنع الحسد والنقص فى النسوان .
أوعى تكون هى الوحيده فى حياتك ولو مش لاقى بنات تانيه غيرها ؟ أتصرف... صاحب أى شغاله ولا أى بياعه خضار , ولا أى شحاته ((نوع كده وخليك واد كووووووول))

يخرب عقلك يا علاء
طب ابقى قابلنى لو عرقتوا توقعوا فرده جزمه حتى
ليه هو احنا هبل أوى كده لالا اصحى واصتبح دى الفرخه بتتدبح
وسلملى ع البتنجان هههههههههه

هههههههههههههههههههههه
منك لله يا علاء

على راي مريم ابقوا قابلونى لو لاقيته فردة جزمة
ولا حتى فردة كاوتش

تسلم ع الموضوع التحفة دا

[b]
هأوأوأوأو
ده لو واحده اغبي من اغبياء العالم ومتخلفه عقليا وعبيطه وهبله عمرها ما هتنخدع بالكلام ده
فاكرين ان احنا بالغباء ده نو نو نو

ههههههههههههههههههههههههههههه
علاء مارح تجيبها البر هههههههههههههههه
لا واضح انو بيحب زميله

» كيفية عمل اللازانيا
» كيفية صلاة الحاجة
» كيفية التعرف علي الشات
» كيفية طرد الشيطان من البيت ؟؟؟
» كيفية تهذيب الغريزة بالصيام؟