صالون دموع الورد يستضيف ويرحب بمديرتنا جيسى

وانا وعلى نار كمان

نبدا باسئلة القطة بوكى

ربنا يستر


خدى هنا بقى من غير شرب ولا اكل وتجاوبى بصراحه

اوكى يا ريسة
عايزه اعرف مين جيسى دى ؟

غلبانة والله والناس ظلمنى وشيفنى مفترية هههههههههه
متمردة احيانا على النظام (( قصدي الروتين الممل ونظام الدكتور والعميد والمعيد هههههه))
مبعرفش اشوف الغلط واسكت لدرجة انى مرة كسفت دكتور عندنا وكانت النتيجة انى كنت هتطرد برا هههههههههه
مفرفشة جداااااااا الحمد لله متفاءلة لابد الحدود بس دايما حسة ان في سور كبيييييييييييييييييييير بيني وبين بر الامان ولام عشان اعديه اتعب اوى بس مفييش صحة هههههههههههه


وليه مش بتحب ؟

بحب قلبي اووووي ومقبلش ليه بالاهانة او الجرح او الظلم او الهجر ولسة مالاقتش الانسان اللى يستاهل القلب دا

والحب يعتبر الترتيب الكام فحياتك ؟

انا رومانسية اوى اوى اوى ممكن يعتبر رقم 3 لحد دلوقتى ان شاء الله يبقى رقم 1 بقى انا زهقت من السنجل اللى انا فيه دا ههههههههه


وحبيتى قبل كده ولا لاء ؟

في مرة ظنيت انى بحب حد بس طلعت اوت طلع الاعجاب كالعادة بس كان فريد من نوعه بجد

وبجد معزتك للاعضاء بالترتيب مع اسامى الاعضاء ؟

لا مش هعرف ومش هفتكر حاجة والله بس انا بعزكم كلكم اوى كفاية معاملتكم ليا واحترامكم كمان وذوقكم اللى مغرقنى بغض النظر عن صاحب الغرزة ههههههههه


بتصلى ولا لاء ؟

طبعااااااااااااااااا الحمد لله مقدرش اسيب فرض ربنا يثبتنا جميعا


يارتى مستمتعه بالحياه ولا لاء ؟

الى حد ما بس لو مش مستمتعة بجبر نفسي انى استمتع هههههههههههه هو انا هتبطر على النعمة كمان هههههههههه


مين الشخص اللى ما كنتى تتمنى تخسريه وخسرتيه بالفعل ؟

حد وخلاص يا بوكى بلاش تقلبي المواجع


والشخص اللى اتمنيتى تكونى تعرفيه ومعرفتهوش ؟

الانسان


اول شخص عرفتيه على النت وعلاقتك بيه ايه ؟


نو كومنت


عندك اخوات ولا لاء ؟

عندى 3 بنات انا نمبر 2 مفيش ولاد


نفسك تبقى ايه ؟

ابقى حد مهم مغير متصرف معتمد على نفسه مش مهم شهادة ولا فلوس المهم الوضع الاجتماعى


اصعب موقف فحياتك ؟

يوم ما عرفت ان جدى توفي كنت ف 4 ابتدائي وفى اليوم دا انا بقيت واحدة عندها 40 سنة وعقلي كبر ومبقتش اعيش بعقل الاطفال كنت حسة انى بقيت لوحدى


اكتر موقف اسعدك فحياتك ؟

لما جبت جيد جدا ف مادة كل الدفعة شالتها واللى نجح جاب مقبول او جيد وانا عاملة حسابي انى رايحة اجيب كارت تسجيل المادة تانى ومتدمرة ومش عارفة .. الحمد لله رب العالمين

اقتباس :

مرسي يا بووووكى قلبتى علينا المواجع يا بطة هههههه

وهلأ اسئلة اسير المفترى ههههههههه

هههههههههههههههههههههه عندك حق



اسئله عشوائيه

لماذا اسم جيسي

الاسم دا جالى بالصدفة البحتة كنت مع زملتى وذكرت الاسم ادامى شدنى جدااااااااا وسالتها دا دلع لاسم ايه قالتلى جاسمين ساعتها قررت انى ابدا حاجات كتير اوى

لون موبايلك

اسووووووود


كم عمرك

19 و 9 شهور كله تسعات هههههههههههه


ترتيبك في الاسرة

2



جيسي بتحب ام لا

لا



افضل عضو\ة

كلكم


هوايتك


ماتعدش هههههههههه رسم وشعر عامى وفصحى و بحب اعرف اي حاجة اخواتى دايما يتريقوا عليا انى افتح كشك على الناصية لكل حاجة نجارة سباكة كهربا تطريز خياطة ........ الخ

هههههههههههههههه


هل انتي راضيه عن نفسك

الحمد لله بنسبة كبيرة



ماذا يقول الناس عنك

مش بسيب حقى ومش بجيبه بالخناق _ متمردة _ طيبة _ بحب الناس اوى _ بحب ما اعمل حتى اعمل ما احب ههههههههه

في مقولى بيقولوها عنى (( اتق شر الحليم اذا غضب ))


اكلك المفضل

البيتزا والاكل الخفيف الطياري والسمك المشوي



امنياتك في الحياة


رضا ربنا وامى وبابايا
نفسي احقق الهم فيا اكتر من تحقيق رغباتى انا
نفسي اموت ومحدش زعلان منى وميفتكروليش حاجة وحشة عملتها

هل انتي صبورة ام عصبيه

الاتنين



كم وزنك

ههههههههههههههههههه ايه الاحراج دا

كان 56


مشتركه في كم منتدى

ممكن يكونوا 5 كدا


عضو\ة دائما يضحكك

حمادة



نظريتك للمنتدى

نظري ضعيف ههههههههه
احلى منتدى شوفته من يوم ما دخلت على النت



إش تكرهي في حياتك

السؤال (( انتى مالك ؟؟ هههههههههه))
الظلم .. الندم .. الالحاح والزننننننننننننن .. النكد طبعا هههههه .. التشاؤم


هل تجدين قيادة السيارة

هههههههههههه اه طبعا سواقة بدرجة امتياز مع مرتبة الشرف الحمد لله

هل تفضلي العمل او القعدة في البيت

العمل .. بس قررت انى لو اتجوزت بعد عمر طويل لو اثرالشغل على بيتي يبقى يولع العمل هههههههههه

نوع موبايلك

N73



اعز اصدقك خارج المنتدى

اسراء واسماء (( توأم ))



اخر مرة اتخانقتي ومين فاز في الخناق ههههه

ههههههههههههههههه
كان امبارح ف الفرح ابن عمى زعقلى ادام امة لا اله الا الله ههههه انا مش من عادتى انى اسكت او اسمح لحد انه يعاملنى كدا بس العقل يحتم الصبر ف المواقف دى وجبت حقى ف الاخر تالت ومتلت الحمد لله

احلا موقف مر عليكي

كتيييييييييييير اوى احلى المواقف وانا مع صحابي بضحك من قلبي بجد ومن غير تكلف ولا مجاملات


لونك المفضل

اسود لون الوقار والرزانة



احلام جيسي الورديه والزهوريه


نفسي اخلص من الصالون على خير هههههههههههه

احلام الانسان مش بتحلص ابدا وكأن حلم الانسان كالطوق يطير بعيدا ومتى مددت يديك لتلمسه يهرب منك بتظل تجري ورائه مصمم على اجتيازه الى ما شاء الله



لازم تجاوبي

ههههههههههههههههه بلاش التهريب دا

انا جاوبت اهو يا سيدي

وهلأ اسئلة الامورة سالا



بصى بقى دى شويه اسئله صغننه

يا مسهل


جيسى اول امنيه تتمنيها لنفسك ؟

اكون شخص مهم



امنيه تتمنى انك تحققيها لاسرتك

نفسي يحجوا


مواصفات فتى احلامك


رزين عاقل رومانسي وسيم ودا مهم جدا هههههههههه
يقدرنى كامرأة يميزنى كأنثى يفهمنى كعقل يحتويني كانسان ضعيف فى هذا الزمان
يكون فاهم حديث الرسول صلى الله عليه وسلم
" اتق الله فى الضعيفين المرأة واليتيم "


جيسى وهى قاعده لوحدها بتفكر فى ايه

ف بكررررررررة



الصداقه بالنسبه لجيسى تعنى ايه

الحياة الحانية


الحب امتى جيسى تقول ياللهوى يانى منه

هوو عموما لازم يتقال منه كدا طالما اصبح حب فعشق فتتيم وهكذا هههههههه


مدى احترامك للرجل

كبيررررررررررررة جدا فوق الوصف بس للرجل الحق

جيسى انت عصبيه

جدااااااااااا


لو فى كلمه عتاب من احد اعضاء المنتدى عندك الجرأه انك تقولى الموقف واسم العضو

لو في بجد هقول ومعنديش مشكلة بس بجد مفيش كفاية ذوقكم معايا



جيسى دموعها صعبه واللى قريبه


صعبة جدا جدا
لو نزلت يبقى الموقف اصعب من صعوبة نزولها


وما الذى يبكيكى

الحنين والشجن ..



شخص عزيز عليكى او شخصه اثرت فيك

شخص مبهم ومحدش يعرفه


كفايه كده بقى لحسن تزعلى منى

عمري ما ازعل منك ابدا يا سالا

مرسي ع الاسئلة

وهاى اسئلة لين العسولة

في بداية جلستنا نرجو من الله حسن الخاتمة واما بعد الاخت الافضلة ياسو
اليكي اسئلتي


ههههههههههههههههههههههههههههههههه ماشي يا ستى نبدأ بسم الله

ايه هو رايك فيا
مجنووووووووووووونة ههههههه شقية اوى وعسولة جدا اجتماعية

بتحبيني وقد ايه؟

الحب مش بيتقاس يا لوللا بس بحبك اوى اوى


ايه هي سلبياتي بكل صراحة

مندفعة ومتهورة

وايه هي ايجابياتي
انا انسانة كويسة ياروحي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كويسة اوى لين بس محتاجة تثقى ف نفسك شوية وف حب الناس اللى حواليكي


اما بعد نعود الى اختنا العزيزة ياسو

ههههههههههههههههههههه انا نسيت ان الصالون ليا انا افتكرته ليكي


اختي العزيزة؟؟؟؟؟؟ظظ

دا سؤال ؟؟ ههههههههه


كم مرة حبيتي ومين كان ومنين وايه اسمه

محبتش قبل كدا


ودي الوقتي بتحبي مين

مفيش


انت ندمتي لانك حبيتي
انتي ممكن تحبي حد تاني بكل الحب اللي حبيتي فيه الاول

لما احب اولانى الاول ابقى احب تانى ان شاء الله هههههههههههه هو انا ورايا حاجة هههههههه

إن ملكت عصآ سحريه, مآذآ ستحذف
ومآذآ ستضيف على حيآتك؟

هحذف الظلم والقهر والعنتظة اللى ملهاش لزمة وهضيف الحب اللى اختفى ومبقاش موجود



سؤال تود طرحه على أحد الأعضاء
ولكن هناك ما يمنعك؟؟

ما زال المانع موجود على فكرة ومش هطرحه (( من غير زعل يا لين ))


ما هو نصيب هذه المحطات في حياتك ؟
- الزواج .. مش وقته
- السفر.. بموت فيه
- العصبية.. مسيطرة عليا بشكل كبير اليومين دول
- الحب .. شئ حقيقي اصبح وهمى
- الرياضه .. كنت زمان بطلة السويس ف الكاراتيه بس كل شئ نصيب ومفيش وفاق واضطريت اطلب الطلاق هههههههه

- التسامح .. عندى بنسبة كبيرة الحمد لله
- القراءة.. بحبها اوى وعارفة قيمتها بس مبقربلهاش (( زى ما يكون عندك تحفة فنية وخايفة عليها بتحطيها ف النيش تتفرجى عليها بس ))

- الشعر .. حياتى بحبه جدا كفاية انه بيطلع اللى جوايا

- الصداقة .. الصدر الحنين اللى مش بخجل منه بطرح اهاتى

- الصبر.. صبورة ومش بمل بسرعة

من من الاعضااء تنطبق عليهم هذه الاسماء

الطيب.. سامى

الكتوم كلهم

الصريح حمادة

الصديق مريم وبوكى وساندى ولينا وسالا وريم

الحزين مفيش

المرح حمادة

الرومانسي امير النت

الرومانسيه بوكى ومريم

خفيف الدم اسير الليل



من هو الشخص الي تتمنى ان ياخذ ضحكتك

حتى لا يحزن ؟؟

بابا


هل تؤمن بهذا المقوله
لاتندم على لحظه حب عشتها حتى
وان صارت ذكرى تؤلمك؟

الالم انواع .. بس الالم لو من خيانة او ظلم اكيد هندم
لكن لو كان مسألة نصيب لا مش هندم



هل الحب عبر الانترنيت وغرف الدردشة ممكن ؟
اي ممكن
(بمعنى ان تحب شخص لمجرد معرفتك لافكاره بدون معرفة شكلة
او سماع صوتة او كيفية حياتة أي انك تكلم عقلاً وليس قلب وروح)

ممكن احتمال ربما حيثما

سؤالي : أقرب بيت شعر لقلبك؟

فيا من يخفق قلبي بذكراك
فهل تظن انى انساك
فانى اذكرك فى صحوي ومنامى
في فرحى واحزانى
حتى قبل رؤياك (( جيسي ))

سؤال حنين✿: المن تكول مشتاقلك ووين رحت عني وبدونك الدنيا متسوه؟؟

لواحد غاااااااب من زمن


سؤالي : أجمل صفاتك يلي يذكروها الناس أمامك؟

الطيبة والشعننة ههههههه والبراءة


سؤال حنين✿ : ماهو أغلى شي بحياتك؟؟ وماهو أكثر شي تخشاه بحياتك؟؟

حاجات كتير غالية عندى اوى .. اخشى الظلم


سؤالي: هل تؤمن بالصداقه الشريفه بين البنت والشاب؟

طالما شريفة مفيش ضرر منها


سؤال حنين✿: أذا تزوجت هل ستتزوج تقليدي أم عن حب؟؟

والله مش انا اللى هختار دا ربنا مقدرلى شئ بس افضل زواج عن حب


سؤالي : دمعة أنذرفت رغماً عنك ؟

امبارح كنت بعيط من غير ما احس وانهاردة ف الكلية وبالليل كمان لما بفتكر ان البيت مافيهوش اختى اتجوزت خلاص

سؤال حنين✿: دعوة صادقة من قلبك لمن تهديها؟؟

لامى .. ربنا يرضى عنها ويجازيها عنا الفردوس


سؤالي : يقال أن المظهر .. لمعان في الخارج .. وإنهيار في الداخل
هل تؤمن بذلك ؟ وهل صادفت أناس تنطبق عليهم هذه المقولة ؟

لا مش دايما .. صادفت كتييييييير واللى يعيش ياما بشوف


سؤال حنين✿: في وسط فوضى الحياة ما الذي يرسم لك بسمة؟؟

ابتسامة بريئة ليا من طفل صغير



سؤالي: لو ألفت كتاباً ماسيكون عنوانه؟

حياة أم ممات ؟!



سؤال حنين✿: ما هي الميزة التي تمتلكها ولا يعرفها عنك معظم الناس؟؟

هى حاجة بعتبرها ميزة بس مش عارفة هى ايه بالنسبة للناس
انى احيانا بستعبط واعمل نفسي مش واخدة بالى او مش فاهمة عشان احيانا الجهل بيكون نعمة

سؤالي: ما هي الخطوط الحمراء في حياتك التي لن تسمح لأحد بأن يتعداها ؟

ان حد يشتمنى او يزعقلى او يعاملنى باسلوب همجى
ان حد يشكك ف عقلي وقدراتى
ان حد يحبطنى


سؤال حنين✿: ما الحلم الذى تتمناه وانت على يقين انه لن يتحقق ؟؟

يعنى اموت نفسي احسن
انتوا لازم تنكدوا عليا يعنى ههههههههههههه
طب مش هقول

سؤالي: هو .. شعورك فـ المواضع التاليه ؟
فراق حبيب ؟

انكسار



دمعة يتيم؟

عجز


&
ماذا يعني لك كل من :
الوطن:

بيتي


الأم:

عاطفة لن تعوض

الأطفال:

كنز


الفراق:
المجاملة:

ماسك وتزيييييييف


سؤال حنين✿:من هو تؤام روحك؟؟

لسة مجاش


سؤالي: قطعة فحم صغيرة وجدار نظيف ماذا سترسم عليها ..؟ وماذا ستكتب تحت الصورة...؟

هرسم عليها بنت صغيرة في عنيها نظرة مش مفهومة هى حزن ولا لوم ولا هيام

هكتب تحتها

انسي يا حياتى يوما كنت فيك اسير
اضحك والهو والقى الحب تقدير
وانسي السعادة ومن غمرها ف البحور
وانسي الحنين الذى غدا مقهور
ولا تذكري سوى قلب يتيم
بحث فيك عن ام .. فصفعتيه صفع وخيم
وترتبي امام عيناى حتى الوداع
ولا تسأليني عن جرحي العظيم


سؤال حنين✿: حمامة زاجل استقرت على نافذتك تحمل رسالة من مجهول فمن من تتمنى ان تكون...؟؟

من شخص اثر فيا


تحية طيبة بيضاء كبياض قلبكي ياحببتي العسولة
ودول بس
مانا لازم اعمل الواجب
ههههههههههههههههههههههه
هههههههههههههههههههههههه
ههههههههههههههه
شوفي انا كويسة قد ايه بكتبلك اسئلة بريئة زيي


بررررررررررررررررررررررررررريئة جدا بصراحة

يعنى مش عارفة اودى جمايلك فين
معاكى شنطة اعبي فيها ؟؟؟

ليكي يوم

ههههههههههههههههههههه

ماشي يا اسير

طبعا شمتان فيا

وهاى اسئلة قمرنا اريج



انا جيت معايا شويه اسئله ضغيورين خالص خالص للعسل جيس

انتى اللى عسل والله يا اريج


اولا ايه اكتر موقف جرحك في حياتك مع الشرح للموقف ؟

كنت ف امتحان و كان في اختلاف على سؤال انا ناديت للدكتور مسمعش لان كان في دوشة كبيرة اوى فسألت زملتى جنبي لاقيته جاي بيقولى علمى على ورقتك وحتى مكنتش لحقت اعرف هى قالت ايه
المشكلة ان ف اللحظة دى الكل كان سكت وبيبص علي

تانيا عمرك حسيتي بخيانه حد ليكي ؟وخانك ازاي
تالتا ايه اكتر حاجه بتتمنيها في حياتك ؟

رابعا اكتر لون بتحبيه واكتر لون بتكرهيه واللون اللي عايزاه في
حياتك كلها يكون موجود بتعشقي اللون ده يعني ايه هو ؟

خامسا ايه اكتر شئ مش تقدري تستغني عنه في حياتك
واكتر حد متقدريش تعيشي من غيره مين هو ؟مش عايزين
اسماء بس قولي هو مين الشخص ده بس

سادسا افلام ايه بتحبي تشوفيها ادمان يعني ؟
بس كفايه شفتي صغيورين خالص ازاي
يلا اعمل الخير وارميه البحر

وهاى اسئلة قمرنا اريج



انا جيت معايا شويه اسئله ضغيورين خالص خالص للعسل جيس

اولا ايه اكتر موقف جرحك في حياتك مع الشرح للموقف ؟

تانيا عمرك حسيتي بخيانه حد ليكي ؟وخانك ازاي

حد كنت بعزه جدا لدرجة انى كنت بعتبره جزء مني وفجاة وبدون اسباب بعد ومعرفتش السبب لحد دلوقتى ولما جيت اتكلم عرفت انى كنت غلطانة من البداية

تالتا ايه اكتر حاجه بتتمنيها في حياتك ؟

مكرر


رابعا اكتر لون بتحبيه واكتر لون بتكرهيه واللون اللي عايزاه في
حياتك كلها يكون موجود بتعشقي اللون ده يعني ايه هو ؟

اكتر لون بحبه الغاوامق عموما الاسود خصوصا
اكتر لون بكرهه الاحمررررررر لانه لون مستفز
اللون اللى بعشقه ومقدرش ميبقاش موجود اللون الابيض واللبنى

خامسا ايه اكتر شئ مش تقدري تستغني عنه في حياتك

عقلي .. لازم يبقى ماشي معايا ف كل حاجة



واكتر حد متقدريش تعيشي من غيره مين هو ؟مش عايزين
اسماء بس قولي هو مين الشخص ده بس

امى ..



سادسا افلام ايه بتحبي تشوفيها ادمان يعني ؟

الاكشن والرومانسي خصوصل الاجنبي بس خلاص بقى كان زمان



بس كفايه شفتي صغيورين خالص ازاي
يلا اعمل الخير وارميه البحر


هههههههههههههههههههه قصدك اعمل الخير وارميه ف وش جيس

مرسي ليكي يا قمري كانوا صغنونين والله

وهاى اسئلة السكرة ساندى


جيسي القمر الاعضاء ماشاله باين كلهم رح يفرحوكي باسئلتهم هههههههههههههههههههه


اه ما شاء الله مفرحنى خالص ربنا يزيد ويبارك


انا مارح اكتر اسئله

طيب ياختى لما نشوف


هل انت مقتنعه بماانت عليه اليوم

مقتنعة لاء .. بس راضية الحمد لله


اهم احلامك ماهو

زوج صادق صديق صدوق


اي البلدان تحبي السفر اليها

تركيا والمانيا


اكتر شخصيه عربيه معجبه بها

لا يوجد من يستحق الاعجاب



لمن تقولين هذا يكفي

للدنيا



لمن تقولين الى اين

لجيسي



اكتر الاعضاء اللي تحبيهم واحد بنت والتاني ولد

كلكم والله


اين تحسين بالسكينه


عندما تعصفك الاحزان


ف حضن ماما واسراء انتيمتى



من اكثر شخص تثقين به بحياتك فيكون بيت سرك

اسراء


واخيرا وليس اخرا اتمنالك صالون حلو وبالتوفيق ياحبيبة قلبي


مرسي يا سندستى يا حبيبتى نورتيني باسئلتك

ودى اسئلة اخونا ابو قلب طيب علاء

جيسى ازيك يارب ماكونش طولت عليك شوية اسئله بسيطة كده يالا ربنا يعينك هى جاءت على




. ماذا ستكتبى لنا لتعبرى عن حياتك التي عشتها الى الان فيكلمات قليله ؟

حياة مثمرة .. طبعا انت عارف انى انجزت كتير وان اللى زيي خلصوا ما بين نهضة مصر وبناء السد العالى وحفر النيل وبناء الاهرامات كل دى انجازات تشهدلى
هههههههههههههههههههههههههههههههه

حياتى تقدر تقول عليها مغامرات مع صدمات
الفرح اللى فيها بالنسبة لمعنى السعادة قليل بس اتعلمت فيها ان السعادة اللى بجد مش بتيجي بشخص ولا بمكان لكن بتيجي من جواك لازم انت اللى تكون عاوز تبقى سعيد
اتمنيت حاجات كتير جدا ماجتش
وحاجات كنت ببصلها على انها نجم لامع مش ممكن اطوله وفجأة الاقيني وصلتلها





. اذا اردتىان تبكي الان , فعلى من تبكي؟

على قلبي



من ستختارىليمسح دموعك ؟

المنديل اكيد هههههه وممكن ف كمى برضو



لو خيروكىبين حبيبك وبين اعز صديق فمن تختار ؟


القدر يختار



.ماهوتقييمك لهذا المنتدى بصراحه ؟

امتياز مع لحاف القرف قصدي الشرف هههههههه



هل هناكقصة حب فى حياتك ؟

لا

.هل تعتقدىان حظك سيئ؟

لا طبعا الحمد لله


.هل هزمكحزنك في يوما من الايام؟

اي انسان لازم يستسلم للحزن والا مايكونش انسان بس المهم اننا نفوق منه بسرعة وانا كدا الحمد لله مش بطول ف حزن

.((مستحيلانساك)) لمن تقولها ؟

لايامى اللى فاتت


دايما فاكرك لمن تقوليها

لربنا



.(( اللي راحراح وماتفيد كلمة ياريت ))

إذا أردتان توجهى هذه العباره لنفسك, فماذا تقصد بها ؟


ان كلمة يا ريت مش هى اللى هتعدل المايلة يعنى غير ان كل شئ نصيب حتى اخطاءنا نفسها بتبقى قدر



.(( انت كلشيء بحياتي )) لمن تقوليها ؟

حب الناس


متى اخرمره بكيتى؟

امبارح


اي الدولتتمنى ان تزوريها ؟


تركيا





هل انتراضية عن نفسك ؟

الحمد لله



.هل تؤيدىالزواج العاطفي ام الزواج التقليدي ؟ ولماذا ؟

الاتنين كل واحد ليه عيوبه ومميزاته


.ايهما اهمشهادتك الجامعيه أم الزواج ممن تحب ؟

انا استنكرت على واحدة صاحبتى انها تقريبا ضحيت بشهادتها عشان الزواج
بس برضو كل شئ نصيب

.هل تعترفىبشيء اسمه الصداقه بين الرجل والمرأة ؟

بعد اللى شوفته هنا ف المنتدى يبقى اه


.هل انتىمدمن تفكير؟

فوووووووووووق الوصف


.من هواكثر شخص تفكرى فيه؟


جيسي


.اذا تمتعيينك ملكة لجميع البلاد العربيه فما اول قرار ستتخذيه ؟

سوق عربية مشتركة - تقوية الجيوش العربية وامدادها بالاسلحة المتطورة - حرب على اسرائيل

انا هدخل سخنة اوى هههههههههههههه هيخلعونى من اول يوم

.هل تكرهىشخص بشده في حياتك ؟

لا

.ما هواقتراحك الذي تتمنى ان يحدث في هذا المنتدى ولم يحدث الى الان ؟

اقتراح غريب عجيب ومش ممكن ابدا يحصل مالوش علاقة بالمنتدى انما ليه علاقة بالاعضاء
هو اننا ننظم مقابلة نجتمع فيها كلنا نعرف بعض اكتر نشوف بعض
نفسي اوى .. طبعا احنا ممكن نخلى الاجتماع دا ف المريخ ههههههههه

.هل ملابسالشخص امامك تؤثر فيكى لتأخذى عنه انطباع ؟؟

اه خصوصا البنات - بس الطبع هو الجوهر طبعا


.ماالذييلفت انتباهك بسرعه في الشخص لكي تعجبى به ؟

طريقة تحاوره

اذا احببتشخصا في الوقت الخطأ وفي المكان الخطأ فماذا تفعل ؟؟

ههههههههههههههههههه هعمل عبيطة

.حكمة تؤمنىبها جدا؟؟

الحياة كفاح
لا تقل سدت ابوابا .. من سار على الدرب وصل

.عاده تفعليهادائما تتمنى ان تتركها ؟

بقرقض ضوافري ههههههههههه


ماهو اجملاسم لولد واجمل اسم لبنت من وجهة نظرك؟

يوسف واحمد .. نور

.ماذا تفعلىاول شيء اذا ربحت مليون ؟

هزغرط ههههههههههههه
هطلع ماما وبابا الحج

.هل انت منلديهم رغبة حب التملك واذا تملك الشيء اصابه الملل منه ؟

لا خالص

.اعتذارتريدى ان تقدميه لمن؟

لاسراء .. عملت فيها مقلب الصبح ههههههه بس من غير ما اقصد والله


من هم اصدقائك المقربون فىالمنتدى ؟

حمادة وبوكى ومريم لينا وساندى وعلاء وسامى وميدو


اذا حدث لك مشكله فلمن تلجأى لحلها ؟

لربنا .. مش بدخل حد ف مشاكلى مهما كانت انا ممكن احكى لكن انتظر ان حد يحلها لا

ربنا موجود

رتبى الاصدقاء فى المنتدى حسب اهميتهم لك
حمادة ميدووو علاء اسير الليل بوكى مريم روشا حنين اريج سالا مريوم لين اليائسة

لا كفاية كدا يا علاء وقتك خلص

ابقى احجز مكالمة تانية

ودى اسئلة مريومة الشقية


اهلا اهلا بالانسه جيسى مديرتنا وحبيبتنا الى قايده شمعتنا هههههههههههههه
ايه رأيك فى الكلمتين دول جمدين مش صح هههههههههه

ههههههههههههههههههههههههههه حلوين اوى


قوليلى بقا يا ستى

بقا يا ستى


1- ايه هى امنياتك فى الحياه؟

هههههههههههههههههههه من اولها بتكررى كدا يا مريومة


2- ايه الحلم المستحيل بالنسبالك؟

مفيش احلام مستحيلة طول ما فيا نفس الحمد لله


3- الحب فى نظرك ايه؟

عذاب مغلف بالحنان


4- مين هو مثلك الاعلى؟

طه حسين

5- مين الشخص الى بتجرى عليه وتشكيله همومك؟

اي حد بلاقيه ف وشي ف الشارع هههههههههههههه


6-ايه هى مواصفات فتى احلامك؟

مكررررررررررررررررررررررررررر


7-عرفينى مين هى جيسى فى 5 كلمات؟

متمردة مجنونة حونينة ههههههه عاقلة يعتمد عليها


8-لو كنتى فى مركب فى البحر ومعاكى عوامه والمفروض انك تنقذى حد واحد من الى بتحبيهم يا ترى هيكون مين ؟

يعنى كل اللى بحبهم جايين يغرقوا ف وقت واحد دا ايه النحس دا هههههههههههه

عالعموم مش هختار انا هعملهم اختبار الجدع هو اللى هيوصللى ههههههههههههه



9-مين اقرب الاعضاء ليكى هنا واوصفيلى كل واحد بكلمتين؟

حمادة .. صريح وطيب اوى

بوكى .. شقية و عسولة

مريم .. الملاك الباكى

سامى .. طيب ومتشائم ههههه

لين .. مجنونة و محبوبة

ساندى .. رزينة متواضعة

علاء .. ذو الصدر الرحب والكلمة الصائبة



يلا كفايه عليكى كده عشان متدعيش عليا هههههههه نورتى يا ياسو


هههههههههههههههههههه

دا نورك يا مريومتى

واسئلتى ليكى ياقمر

اسمك

ياسمييييييييين هههههههه

سنك

19 وحبة

طولك

وزنك هههههه

56 جرام هههههههههه

دراستك او مهنتك

طالبة بكلية الهموم قصدي العلوم ههههههههه

هواياتك

شعر ورسم وقراية احيانا

اكتر الصفات الى بتحبيها

الطيبة طبعا الذكاء الباقة حسن التصرف والذكاء الاجتماعى التفاؤل

اكتر الصفات الى بتكرهيها

عكسهم بقى

مواصفات فتى الاحلام

مكررررررررررررر يا حنونة

بالتوفيق حبيبتى

الله يخليكي يا حنونة

وايه هي ايجابياتي
انا انسانة كويسة ياروحي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كويسة اوى لين بس محتاجة تثقى ف نفسك شوية وف حب الناس اللى حواليكي

حببتي ياسو مش عاارفة ترديلي الجميل معلش مترديهاش احسن
هههههههههههههههههههههههههههه
اما في مسألة ثقتي فنفسي دا فأنا الحمدلله بثق فنفسي بس مبثقش في اي حد تاني في الدنيا عشان كدا بعمل كل شغلي بنفسي رغم اني لسه صغيرة في العمر بس واللهي انا قالبة عليهم الدنيا وهوا دا اصلا سبب رجوعي من تركيا عشان انا بحل مشاكلي بنفسي ودا حاجة مش كويسة خالص عشان بتعب اوي اوي معاهم وكلهم ماشاءالله عليهم قد الحمار ههههههههههههههههههههههه
شكرا ياروحي لاجباتك الروعة زيك والمهم عندي اني عملت الواجب مع اختي حببتي

تسلمي يا كوكي شطوره

مرسي ليكي يا اروجا

جيسي يااروبه
كنتي منوره وملعلعه
حظك انك جيتي في توقيت الجراحه بتاعتي
مسيرك تقعي تالني
وساعتها هاطحنك
هع هع هع هع هع هع

تسلمى جيسى على اجاباتك الرائعة وانشاء الله ربنا يحققلك كل احلامك وامالك وبالتوفيق انشاء الله

ياااااااسوتي ياقلبي اجباتك روووووعة ويجنن زيك
اه واللهي زي ما بتقول حنونة انا طحنتك كدا من حبي ليكي لاني بموت فيكي ههههههههههههههههههههه
وعملت الواجب معاكي وبس ههههههههههه
تسلمي ياروحي كنت اروع من الروعة

اية الثقة الجامدة دى ياجيسى ياقمرربنا يحفظك يارب

مرسي يا حنين ولين وعلاء وحمادة وشيموو

والله فرحتونى هههههههه

تسلمولى يا رب

أهلا جيس وقعتى فى الفخ


مش حتطلعى ههههههههههههههههه

على العموم ربنا يوفقك فى الأجابة عن الأسئلة بتاعتى
فكرتى عنك كده زيى الصورة دى




بس برده حسأل


أولا اسمك الحقيقى أيه؟؟
أجمل مكان بتلاقى نفسك فيه ؟؟؟

أيه الحلم اللى تتمنيه نفسك تحققيه؟؟؟

الناس تعاملك أزاى معاهم يعنى بتاعمليهم أزاى برة ؟؟؟


التعليم يمثلك أيه ؟؟؟؟

مين اللى فى المنتدى هنا عزيز عليكى زيى واحد بتقدريه برة ؟؟؟

المنتدى ده أيه اللى فادك بيه ؟؟؟

أنطباعك عنى ؟؟؟

كونك صعيدية الأصل ملاحظة الموضوع ده أزاى فى تعاملك مع الناس ؟؟

ليه حاسس أنك حزينة بس بتدارى الموضوع ده ؟؟؟

مين من أعز صديقة ليكى هنا ؟؟؟

كفاية كده بدل ما تكرهينى

الصعيدى يقولك بالتوفيق

منورة يا جيسى

يسلموااااااااااا

السلام عليكم ولقاء اخر من لقاءات السحاب والمديره جيسي
نورتنا وانستينا وبجد بتوحشنا لقله تواجدك بالشات علشان نتعرف اكتر ولو انك شخصيه جميله جدا وبنسمع عنك وعن اسلوب الحميل الرائع
شرفتنا جيسي ونورتنا
وتسلم الايادي لولا ولينا بجد ربنا يقويكم

يسلموووووووووووووو

ههههههههههههههههه حلوة كتير ياقمر