الفرق بين البطاله والبطاطا

بعد سهر الليلي على الكتب الخارجية ، فلوس أهالينا على الدروس الخصوصية ... بعد
السنين الطويلة لـ 6 ابتدائي ، 3 اعدادي ، 3 ثانوي ، حوالي 5 جامعة ، والمصاريف
الكتيرة على المجاميع الكبيرة ... تلاقي الشاب من دول يا ولداه بعد ما كان عنده
طموح وأحلام وإقبال على الحياة ... واقف حزين قدامه يجي 6 مليون من العاطلين ...
أصبح خريج خلاص ومش لاقي شغلانة ولو شافولوا شغلانة هيلقوها مش ماشية مع المؤهل
بتاعه ولا سالكة مع مستواه الاجتماعي ، ... لكن ممكن في الزحمة يلاقي وظيفة شيك
بمرتب محترم هيُفاجأ إن في غيره كتيير حاطط عينه عليها وكلهم مسابقينه بالإتصالات
والوسايط .. طبعا لو ما عندكش اتصالات ووسايط هتفضل واقف في طابور الحكومة مستني
وظيفة الحكومة ..

أقولك أنا بقى ايه اللي هيجرالك ... هتفضل واقف طبعا مش
شوية أسابيع ولا حبة شهور .. لكن سنيين يعني ممكن تقفلك قول كدة 10 ، 15 سنة وبعد
ما تعفن من كتر الإنتظار

ولا مؤاخذة رحتك تطلع .. حتلاقي نفسك أخيرا وليس
آخرا موظف في الدرجة الساسة ( دا لو كنت محظوظ والحاجة بتدعيلك ) بمرتب من 45 ج الى
65 ج قول ياعم هيعملوا 85ج بعد العلاوات ،

أعتقد دول هيتصرفوا قبل ما
يتقبضوا ، وهتستلف عليهم فلوس كتير ده لو بتصرف على نفسك بس وعاوز تجيب مصروف جيبك
، أعتقد صعب نتكلم عن مسؤليات وبيت وجواز والواقع بيأكد الكلام ده } 65% من
العاطلين في مصر تقل أعمارهم عن 25 سنة { يعني نفسهم يخشوا دنيا لسة ومش عارفين
"

وكل حاجة ليها سبب والبطالة عندنا في مصر ليها أسباب

احنا البطالة
عندنا كتير :

علشان الحكومة عندنا كبرت دماغها ( من حيث الواقع ) من قضية
توظيف الخريجين وتشغيل الشباب .

تاني سبب عشان الوظيفة عندنا بتخضع لنظام
التسعيرة يعني مثلا لو كنت مهندس ومُنى عينك تشتغل في شركة بترول هتدفع 15 ألف جنيه
من تحت الترابيزة بدون أي ضمانات يعني في احتمال كمان إنك ( لا تطول بلح الشام ولا
عنب اليمن )

آه لو كنت متخرج من كلية الحقوق وعاوز تتعين في النيابة في
الحالة دي فوق الواسطة 30 ألف جنيه ومش مشكلة تقديرك كان ايه ؟! وعموما عشان يكون
عندك خلفية حتلاقي التسعيرة بتزيد وتعلى لو عاوز تتعين في وزارة الكهرباء أو هيئة
الاتصالات وبتنزل وتقل شوية لو في وزارة التعليم

السب التالت عشان الوظيفة
النهاردة بتتورث ( نظام أولوية وأحقية أبناء العاملين في التعيين ) وطل طلة على
الجامعات أو على القضاء في مصر عشان تتأكد من النظام ده .. هتلاقي إن لو كان في حتى
كفاءأكتر منك مليون مرة برضة مفيش أحسن منك بالمرة مدام بابا شغال عندنا هنا
....

السبب الرابع : - عشان القطاع الخاص مش قادر يستوعب الرقم الكبير بتاع
البطالة ده .. ما بيتعينش في القطاع الخاص إلا قلة قليلة ولو مش مصدقين تعالوا نشوف
اللي هيكنسل على وظيفة الحكومة وهيشق طريقه ايه اللي هيجراله :

· إما
يكون عنده واسطة ومتوصي عليه ده ما عندوش مشكلة ،·

أو يكون ما عندوش واسطة
وبيدور على شغل ده عنده حل من اتنين :-

اما انه يرمي نفسه في أي شركة قطاع
خاص عاوزة موظفين أو حتى مندوبين " متو سط أجره 150 - 200 ج " يعني يضحي بالفلوس
عشان البريستيج يعيش أو أنه يضحي بشكله ومظهره ومؤهله ويشتغل في أي حاجة بتجيب فلوس
حبتين ( في شباب كتير اختاروا الطريق التاني ) منهم شاب جامعي متخرج من كلية
التجارة وواقف على عربية فول ، واحد تاني فارش شوية كتب قانون وبيبيع فيها على رصيف
المحكمة طلع معاه ليسانس حقوق ( هوده التخصص ولا بلاش) ، التالت ده بقى كارثة مهندس
حديث التخرج مش لاقي شغل مناسب فقرر انه يلتحق بشركة نظافة ، والله أنا شوفته بعيني
وهو ماسك المكنسة وعمال يخطط بالجاروف ، ساعتها كنت عاوز أدعي على الحكومة من غيظي
وأقول ( إلهي ما تكسبي ولا تخسري يا حكومة ) أصلها لو خسرت هتخسر من جيوبنا اللي مش
مستحملة خسارة .

السبب اللي بعدكدة هو الفساد .. الفساد للي عمال ينخر في
مصر زي السوس والفلوس اللي المفروض انها تشغل الشباب بتتقسم على الحرامية الكبار
اللي واكلينها ولعة .. ولاد الإيه مستكترين علينا شوية صخر ننحت فيهم ونشق طريقنا
حتى ده سرقوه ..

وطبعا نماذج السرقة والنهب غي المال العام بتاعنا ملهاش عدد
حضربلكم مثالين للهبر والهبش عيني عينك :

عارفين إن في موظف في وزارة
الزراعة اسمه ( يوسف عبدالرحمن ) ولاهو أخد من أمانة سيدنا يوسف ولا هو عبدالرحمن
....

الشيطان ده طلع عبد للدولار والجنيه ابن الإيه كان مرتبه أكثر من مرتب
الوزير اللي عينه 20 مرة مش كدة وبس لأ ده كان أكبر من مرتب جورج بوش بجلالة قدره (
مرتب جورج بوش بالمصري يعمل حولي 193 ألف جنيه ) ومرتب الحرامي ده كان ربع مليون
ومتسألنيش ليه ؟! ولما ظبطوه كانت التهمة رشوة يعني حاجة فوق المرتب كمان ( آآاه يا
بلد ) .

مثال تاني لحوت من الحيتان الصغيرة أيضا :

رئيس مجلس
ادارة مؤسسة صحفية كلها ديون كان بيهبر في جيبه كل شهر مليون جنيه ( يعني هتيجي
عليه )

· عرفتوا دلوقتي ليه إحنا مش لا قين شغل وليه عندنا 6 مليون عاطل
،·

· عرفتوا ليه مصر وصل ترتيبها بين الدول لرقم 122 بعد ما كان 15 أيام
محمد علي من حيث الرفاهية

· عرفتوا ليه تقرير دليل الفقر العالمي وضع مصر في
المرتبة ال 55 ما بين 103 دولة نامية

· عرفتوا ليه تقرير التنمية البشرية
لعام 2005 الصادر عن الأمم المتحدة بيقول ان فيه 44% من المصريين بيعيشوا بأقل من
دولارين في اليوم الواحد ..

( طبعا هما ما يعرفوش الخيبة اللي احنا فيها
يعني ياريت كنا فعلا وصلنا للدولارين في اليوم )

نصيحة :-

لو انت
مش لاقي شغل في المحافظة اللي انت ساكن فيها أنصحك اوعى تدور على شغل في المحافظات
التانية " عشان هلها هما أكتر ناس في مصر متضررين من البطالة وقلة الوظايف " (
أسوان ، كفر الشيخ ، قنا ، أسيوط ، الاسماعيلية، الدقهلية ، الوادي الجديد ،
الغربية ، السويس ، شمال سينا ، بورسعيد )

يعني لو روحت بورسعيد ممكن
بالصدفة تشوف يافطة مكتوب عليها " كريمة للبيع ، بدر للبيع ، بدويه للبيع ، أرزاق
للبيع " طبعا هتفتكر الأسماء دي أسماء محلات لكن النكسة اللي هتكتشفها ان الأسماء
دي بتاعة ولاد المواطن

}محمد اسماعيل محمد { مواطن بورسعيدي قرر بيع أبناؤه
في المزاد العلني .. حاجة ولا في الأحلام :: قرر بيعهم لأنه مش لاقي يصرف عليهم
منين ؟!

.. الخبر منشور في جريدة المصري اليوم في صدر الصفحة الأولى يوم
الإثنين ..

اصحي ياحكومة الناس بتبيع عيالها خلاص محدش هيصبر عليكوا
أكتر من كدة .. سياسة تكبير الدماغ والضحك على الدقون مش هتمشي معانا
..

* أي عقل يصدق أن حكومتنا هتوفر 4 مليون فرصة عمل في 6 سنين إلا لو
كانوا زي الكام مليون بتوع كل خطاب عرض ....... حاجة كدة لزوم تجديد الثقة للحكومة
وبس .. لو الكلام ده بحق وحقيقي منين هيمولوا عشان يوفروا الفرص دي ، هيعتمدوا على
القطاع الخاص اللي اتخصخص ، ولا القطاع الخاص اللي م بيفكرش غير في مصلحته ..
مصلحته والربح وبس .

امتى المسؤلين في بلادي هيصحوا عشان يشوفوا البطالة
عملت فينا ايه ..

أخرت سن الزواج ، نشرت أمراض اجتماعية كتير يا جماعة النبي
" صلى الله عليه وسلم " قال في حديث شريف

" ان النفس اذ أحرزت قوتها استقرت
" حديث شريف

يعني مشاكلنا الإجتماعية دي مش هتتحل إلا لما نساهم في حل مشكلة
البطالة .. والعلاج هيكون بـ :

 محاربة الوسايط وتسعير الوظايف والفساد..
أيوة الفساد عشان الفلوس اللي بتتنهب تترصد لمشكلة البطالة ( محتاجين 7% نمو
اقتصادي على الأقل زيادة عن المعدل الحالي عشان نبقى مشينا في أول مشوار محاربة
البطالة ) .

· تنمية الإستثمار (العربي - العربي) } 800 مليار من رؤوس
الأموال العربية مستثمرة برة{

 تطوير وتغيير مناهج التعليم بشكل يتناسب وما
يحتاجه العصر من تخصصات

وقدرات

 الدراسة العميقة لسوق العمل وما
يحتاجه من خبرات وتخصصات

· اعتماد نظام التدريب التحويلي
.

في النهاية :-

طبعا كلكم (بتقولوا ان عنوان المقال مش راكب
عليه)

هقولكم أنا ايه اللي جاب البطالة للبطاطا رغم ان البطالة في اللغة من
" الباطل " ، والعاطل في اللغة من " العطل والخلل "

رغم أن في تقاطع بين
البطالة والبطاطا إلا أن

" البطاطا بنشويها ونكلها ، والبطالة عمالة تشوي
فينا وتكلنا "

اوباااااااااااااااااااااااااااا

مارا دخلت

بالتقيــــــــــــــــــــــــــــــل

ضمنا نتحبس والحمد لله

بس تصدقي موضوع البطاطا والبطاله ده

جي على جرح ناس كتير وفعلا
انتي ماسيبتيش حد

الا وفرمتيه

مش فضحتيه

ادينا اتنين كمان من دول

وان شاء الله

نظبط غرفتين
في

المعتقـــــــــــــــــــــــــــــــــــل

الفرق بين البطاله والبطاطا 654392

مارا

منك لله
اخرتي هترسي علي زبال

الموضوع حلو

ومؤلم

ســــــــامي

مارا عندك حق فى كل كلمة فعلا بلدنا لازم تصحى على وضع الناس المتدنى بالعلاوة على كل ذلك ارتفاع الاسعار الجنونى وايضا انا معك فانا محامى وطلع عينى فى ىالتدوير على العمل فى مصر اشتغلت فى كل الاعمال الى تتخيليها اشتغلت مندوب مبيعات شايل ششنطة وبلف على الزباين واشتغلت فى مطعم واشتغلت واشتغلت الخ الخ الخ 000000 زى ماتتخيلى واخيرا قلت اشتغل محامى واحترم نفسى واشتغلت فى مكتب محامى براتب عالى جدا 50 جنيه ( خمسون جنيه )) هههههههههههههههه الخمسون دول مواصلات للمحاكم علشان الشغل ومواصلات وتنقلات للعمل كنت بدفع من جيبى قد كده مرات ومرات واخيرا قررت السفر وده الى حصل وربنا يستر على الناس فى مصر مع تحياتى واسف على التطويل

موضوع جميل رقم مرارته
الكثير الكثير يعانون من البطاله للاسف
الشئ اللي نقدر عليه ندعيلهم بالتوفيق
الله يصلح امورهم
تسلمي مارا

يسلمو مارا ع الموضوع الجامد بس فين الحل للمشكله دي ؟!!!!!
اكيد مفيش !!!!

نعم انها البطاله حال اغلب الشباب
سمة بارزه باي بلد عربي
ومشكله مترسخه لاحل لها سوى القبول والرضوخ للامر الواقع
فان كنت تعاني البطاله عليك ببيع البطاطا هههههههههههههه
تسلم ايدك مارا ومشكوره

hamatta كتب:: اوباااااااااااااااااااااااااااا

مارا دخلت

بالتقيــــــــــــــــــــــــــــــل

ضمنا نتحبس والحمد لله

بس تصدقي موضوع البطاطا والبطاله ده

جي على جرح ناس كتير وفعلا
انتي ماسيبتيش حد

الا وفرمتيه

مش فضحتيه

ادينا اتنين كمان من دول

وان شاء الله

نظبط غرفتين
في

المعتقـــــــــــــــــــــــــــــــــــل

ههههههههههههههههههههههههههه

حماده انا عندى مواضيع زى كده كتير

بس تييييييييييييييييييييييييييييييييت الرقابه بقا

zzzz_75 كتب:: مارا

منك لله
اخرتي هترسي علي زبال

الموضوع حلو

ومؤلم

ســــــــامي

الاجمل مرورك ياسمسم

علاء الخضرى كتب:: مارا عندك حق فى كل كلمة فعلا بلدنا لازم تصحى على وضع الناس المتدنى بالعلاوة على كل ذلك ارتفاع الاسعار الجنونى وايضا انا معك فانا محامى وطلع عينى فى ىالتدوير على العمل فى مصر اشتغلت فى كل الاعمال الى تتخيليها اشتغلت مندوب مبيعات شايل ششنطة وبلف على الزباين واشتغلت فى مطعم واشتغلت واشتغلت الخ الخ الخ 000000 زى ماتتخيلى واخيرا قلت اشتغل محامى واحترم نفسى واشتغلت فى مكتب محامى براتب عالى جدا 50 جنيه ( خمسون جنيه )) هههههههههههههههه الخمسون دول مواصلات للمحاكم علشان الشغل ومواصلات وتنقلات للعمل كنت بدفع من جيبى قد كده مرات ومرات واخيرا قررت السفر وده الى حصل وربنا يستر على الناس فى مصر مع تحياتى واسف على التطويل

مشكور علاء لمرورك والله البطاله دى اقل مشكله عندنا فى مشاكل اكبر ربنا يسترها معنا يارب

اسيرالليل كتب:: موضوع جميل رقم مرارته
الكثير الكثير يعانون من البطاله للاسف
الشئ اللي نقدر عليه ندعيلهم بالتوفيق
الله يصلح امورهم
تسلمي مارا

الاجمل مرورك اسير

اه وياريت تدعيلى هههههههههههههههههههههههههه

عشان ان من الناس دول

مع انى شغاله بس تقول ايه مش راضيه بحالى هههههههههههههه

arrige كتب:: يسلمو مارا ع الموضوع الجامد بس فين الحل للمشكله دي ؟!!!!!
اكيد مفيش !!!!

اريج الحل عند ربنا بس

عشان ده اكيد اختبار لبعض الناس وغضب على البعض الاخر

sandy كتب:: نعم انها البطاله حال اغلب الشباب
سمة بارزه باي بلد عربي
ومشكله مترسخه لاحل لها سوى القبول والرضوخ للامر الواقع
فان كنت تعاني البطاله عليك ببيع البطاطا هههههههههههههه
تسلم ايدك مارا ومشكوره

ياجامد انت يا عم الجامد ههههههههههههههههههههههههه

ايه الكلام الكبير ده

تعالى يا ساندى نتفتح مشروع بطاطا ههههههههههههههههه

اخت مارا
اهنئك على اختيارك هذا الموضوع و الذى يمس طبقة عريضة من شبابنا و الذى هو عماد تلك الامة
و انا لى رد على موضوعك الموقر بس من زاوية اخرى و اليكى سيدتى
حكومتنا الموقرة اخطأت كثيرا فى حق نفسها اولا و فى حق شبابها و فى حق مستقبل تلك الدولة المصرية و ذلك بسبب قرارها بعد تعيين جدد بالوظائف العامة بالدولة لفترات طال بها الزمن مما ترتب على ذلك القرار الخاطئ من البطالة التى ذكرتيها بموضوعك الموقر
و اقول لك سيدتى و بكل تأكيد بان الحكومة المصرية سوف ترجع عن قرار و سوف تقوم بفتح باب التعيين لهؤلاء الشباب و فى اقرب وقت ممكن و لعلك ومعكى الكثيرون تقولون ما هذا التفائل او تقول انى امزح او انى اصابنى مكروة و العيازو بالله و لكنى اقول لكى بان الحكومة المصرية سوف تقوم بتصحيح خطئها الجسيم و سوف تفتح باب التعيين على مصرعية للاسباب التالية
- الموجود بالخدمة من العاملين بالدولة يقومون بسداد اشتراكات شهرية بالتامينات و المعاشات تقوم الدولة بتجميع تلك الاموال شهريا و ذلك حتى تتمكن من سداد الاشتراكات الشهرية لأصحاب المعاشات الذين هم كانوا اصلآ عاملين فى الدولة
و حينما اخذت الدولة قرارها الخاطئ بعدم التعيين للجدد من الشباب و نتيجة لذلك بدءت هذة الاشتراكات الشهرية تتناقص و ذيادة على ذلك انة قل عدد المسددسن لهذة الاشتراكات نتيجة لبلوغهم سن المعاش
مما جعل الحكومة فى موقف غير لائق بالاضافة الى القرار الخاطئ و الذى اتخذة وزير الدولة المدلل وزير المالية و الذى يدعى يوسف بطرس غالى حيث اخذ اموال المعاشات و ذلك لسداد العجز بموازنة الدولة على العلم بان هذة الاموال ليست للدولة اى حق فيها بل هى حقوق اصحاب المعاشات و التى سبق و ان سددوها بشكل اشتراكات شهرية و كما سبق و ان اوضحت
فلهذة الاسباب و اسباب اخرى سوف تتراجع الدولة عن قرارها و سوف تقوم بفتح باب التعيين للشباب من جديد
و للحديث بقية

تحياتى

ههههههههههههههههههههههههههه

حماده انا عندى مواضيع زى كده كتير

بس تييييييييييييييييييييييييييييييييت الرقابه بقا

[/quote]

لا
ماتشغليش بالك حطي بس وانا ها بلغ عنك

هع هع هع هع هع هع هع هع هع

الدنيا كلها بتتكلم عن البطاله والحكومه تقول هنعمل ونسوى
ولا بتعمل ولا بتنيل جتها نيله الى عيزه خلف
الله يرحمنا ويرحم شبابنا يلا 150 ج فى الشهر نحمه ورتا هما هيعملوا ايه يعنى
الحكومه دى بتصعب عليا اوى هى هتعمل ايه ولا ايه بيتعبوا والله
استرها معانا يا رب
شكرآ مارا تقبلى مرورى ولنا لقاء فى المعتقل بأذن الله هههههههههه

اشكر شخصك الكريم على هذا الموضوع وهذا ان دل فانما يدل على فشل الحكومه والحزب الحاكم نعم الفشل الذريع وليست البطالة وحدها هى المشكله وحدها والله انى أشم رائحة الفشل فى كل شىء فأين التعليم وأين الوسائل والمواصلات وأين اقتصاد البلد برمته يا استاذتى لقد وصلت البلد الى المرحله المذريه المنتنه القذره القبيحه الدنيئه وأحب أن انوه الى حضراتكم ان هناك 10 مليون عاطل فى بلدى الحبيب مصر وهناك 1000 موظف يتقاضون راتبا مليون جنيه شهريا أى ان 1000 شخص يأخذون مليار جنيه شهريا من ميزانية الدوله وليس هذا بجديد على هذه الحكومات الفااااااااااااااااااااااااااااااااااشله . لا اريد ان اطيل عليكم حتى لا تملوا وحتى لا اصاب بالصرع
تقبلوا مرورى المتواضع
جزاكى الله خيرا

الحكومة كمان جات تحلها خربتها وجات تحلها خصخصتها يمكن انتا لقيت حاجة بخمسين جنية50 عملتها ربنا يستر علي الجاى مش هيلاقي يعمل بالخمسين جنية50 الفرق بين البطاله والبطاطا Www.almsloob.com-7040438209

الفرق بين البطاله والبطاطا Www.almsloob.com-7040438209

يسلمووووووووووووو

يسلمووووووووووووووووو

يسلمواااااااا على الابداع الرائع

الفرق بين البطاله والبطاطا Jb13262925692

يسلموووووووووووووو