موقف البنات من الجواز .. ولا موقف أحمد حلمي <<هل انت مع هذا الراي ام لا؟؟؟؟؟>>

موقف البنات من الجواز .. ولا موقف أحمد حلمي

اكتشفت على الرغم من قلة خبرتي في الحياة وصغر المدة التي قضيتها فيها مش عارف هاخرج امتى .. أهي مدة والواحد بيخلصها .. ان البنات واخدة موقف واحد .. لا مش موقف سياسي ولا اجتماعي ولا حتى أحمد حلمي ده موقف من الجواز قال ايه البنات مش عايزين يتجوزوا وكلهم مش بيفكروا في الحكاية دي خالص ، الحكاية كانت في المدرسة بنات المدرسة كلهم على اختلاف أشكالهم والوانهم متفقين على نفس الكلام : أنا مش عاوزة أتجوز ومش بافكر خالص في الحكاية دي .. لما أدخل الجامعة واشتغل أبقى أفكر .
وبص بقى لو واحدة ارتبطت بواحد وهما في أولى ثانوي هتكلمه عن أسماء عيالهم ولون حيطان البيت والسجاجيد وهتنسى الموقف بتاع زمان خالص وكأنها ما قالتش حاجة .
في الكلية الفكرة مختلفة كل بنت بتدخل الجامعة وبتقول انها جاية تدرس وتتخرج وبعدين تبقى تفكر في حكاية التعرف على رجالة أو الجواز .
هما أسبوعين لا غير وبمجرد أن تتعرف على شلة ولاد هتنسى كلامها ولو ارتبطت بواحد منهم هتسمع كلام تاني خالص عن ازاي هو هيساعدها وهيشجعها على العمل والدراسة ده حتى يا أخي المرأة نصف المجتمع ووراء كل ست عظيمة رجل أعظم بيعرف يطبخ ويغسل وبيحب قعدة البيت وأدي الموقف بتاعها كمان راح في الكازوزة ، نيجي بقى للبنات اللي اتخرجت دول بقى حكايتهم حكاية وهي لأن البنات بتبدأ تحس بالخطر وإن كلامها بتاع زمان مش هيجيب نتيجة وإن الخطر قادمُ قادم ..
وده مش عشان لا سمح الله هما وحشين بس علشان الظروف الاقتصادية وارتفاع قيمة الدولار وايضا ارتفاع نسبة البطالة واضمحلال المعايير والاخلاقيات وإن ما حدش عنده دم عشان يبص لهم ويبدأ كلامهم يتغير وتبدأ البنات تحاول تخفي فكرة إنها هتعنس بانشغالها بالشغل وبتقول كده للناس ودي بتكون بداية الصدام والخناقات بين المجتمع والبنات فالمجتمع بيقول عليهم عوانس وبيبدأ يرفضهم والبنات بتتقوقع على نفسها وترفض المجتمع والمشكلة في الآخر بتتكلكع وتتعك أكثر من كلكعة موقف أحمد حلمي الساعة 2 الضهر

هاااااام : انا اختلف مع هذا الكلام جداااااا
وولقد اصابني باحباط وضيق
هذا ينطبق علي البنات الفاشلة الا ماعندهومش
طموح وللاسف اغلب الشباب واخدين الفكرة دة عن البنات
اتمني منكم ترك ارائكم بكل صراحة
لقد نقلت هذا الموضوع للمناقشة
لانة فعلا مستفز
تحياتي
اختكم برررررررراء
لا تنسوني
بالدعاء

ههههههههههههههههههه
انتي قولتي موقف البنات

هما يردو عليكي بقي

وان كان ماقولتيه صحي احيانا

لالالا طبعا يا سامي
صح اية بس
دة كلام يقولوة بردوا انت موافق علية ولا اية؟

هههههههههه لا انا مش موافق على الكلام ده غلط في غلط الجواز نص الدين للراجل والبنت وزي ما بيقولوا عندكم الجواز ستر وانا ما اعتقد ان في بنت ما بتحلمش في الجواز شكرا ده راى المتواضع

موقف البنات من الجواز .. ولا موقف أحمد حلمي <<هل انت مع هذا الراي ام لا؟؟؟؟؟>> Jb13136898942

موقف البنات من الجواز .. ولا موقف أحمد حلمي <<هل انت مع هذا الراي ام لا؟؟؟؟؟>> Jb13136898942

شكرا نادر لمرورك ورايك

بصى مش ديما فى ناس كده وفى ناس كده صوبعك مش زى بعضها

مش كل الناس زى بعضها براء

مش كل الناس زى بعضها براء

بصى مش ديما فى ناس كده وفى ناس كده صوبعك مش زى بعضها