سخافات معاكسة الشباب للبنات <<انتبهوا ياشباب مش هنسكت بعد كدة>> ههههه

سخافات معاكسة الشباب للبنات

في الحي الشعبي ..بسبس

في الحي الراقي . . توت..تيت..تات



طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .


* رأي البنات
تقول شريهان محمود بكالوريوس رياض أطفال أكره المعاكسات موت وبكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
أما سامية فؤاد محاسبة فتقول : والله معظم مرتبي بصرفه في تاكسيات المخصوص
علشان أرحم نفسي من شباب النواصي وبعدين أنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
وتقول شذا متولي : بصراحة أنا ما بحبش المعاكسة لكني فاكرة ان شاب عاكسني
فضحكت وكان طبعا غصب عني لاقيته خارج من زجاج عربيته وبيقولي . . أكيد ماما كانت
نحلة علشان تخلف العسل ده . . ومرة تانية كنت لابسة طقم احمر ولاقيت مجموعة شباب
زفوني أهلي . . أهلي .
وتقول إيناس بدري معدة إذاعية
الفراغ يعمل أكتر من كده وبعدين المعاكسات دي نوع من أنواع البجاحة والتعدي على
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .
أما كامليا رائد 25 سنة فتقول : كنت مرة مع ماما خارجين وبعدين لفت نظر ماما واحد قد
والدي في السن بيراقبنا في الرايحة والجاية وبدأ في معاكستي واستفزازي فما كان من
ماما إلا أنها خافت جدا وأخدت رقم العربية واتجهت إلى أقرب قسم شرطة وحررت له
محضرا وهنا تم استدعاؤه لكنه طلع راجل مسئول وواصل قوي وطبعا اتقلب المحضر ضدنا
وطلعنا احنا اللي بنعاكسه ودفعنا غرامة مالية بعد أن قرر التنازل ومن ساعتها بتعاكس ولا
بقول كلمة واحدة ياللا خلي الشباب يعيش علشان خاطر مراهقة المسئولين اللي زيه .


* رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .
أحمد سالم - مرشد سياحي - يقول ك
طبعا ملبس البنت يستفزنا ( واخدين بالكم المعاكسة اضطرار ) قلت الملبس ده حرية
شخصية قال : لا البنات اللي بتلبس ملبس خارج عايزة تتعاكس فخلاص خليها تتعاكس .
فهمي فؤاد .. دكتور صيدلي - يقول : أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إن إشارة تعد على حرية الآخرين أنا بقول ان الشاب اللي اخد
على المعاكسة بيعاكس حتى المحجبات أنا عندي صديق غاوي يعاكس المنقبات . .ده
سلوك فردي لا يحركه تصرف الغير . . دي مبررات خايبة للشباب المستهتر .
محمود رحيم .. معهد تكنولوجيا يقول : احناما بنفرقش في المعاكسه بين محجبة وغير
محجبة المعاكسة روشنةبنعملها أثناء تجمعاتنا الشبابية . .يعني بنساعد بيها بعض . . لكن
لما اكون بمفردي مش ممكن أعاكس !!

تسلم بااااااااااااا يراء

شكرا ميمو لمرورك

تسسسسسسلمى براء موضوع جميل

تسلمي يا براء



موضوعك بيناقش قضية مهمة



وللاسف منتشرة



تقبلي مروري

تعرفي يا براء هقولك على حاجة عشان اثبتلك انه مرض وان طريقة اللبس مش بتفرق دلوقتى
انا من فترة لبست الخمار ويوم ما لبسته .. اليوم دا كانت فرحتى بيه فى كفة وفرحتى انى هترحم من المعاكسات فى كفة تانية

و اووووووووووووول يوم ماشية فى امان الله بكل ثقة والاقي واحد بيقولى (( ايه يا عم القمر دا ؟؟ )) هههههه

ساعتها عرفت ان فعلا دا مرض او فوضوية او فراغ


انا بأيد كلام ميمو جداااا

تسلمى براء للموضوع بجد مهم وعصري

انا بعتبرها كلام فاضي وتضيع وقت الهم
فعلا موضوع مهم
يسلموووووووو

نادر متفقة معاك جدا في رايك
لان فعلا لبس بعض البنات بقي حاجة مستفزة
بس فية ملحوظة ان في بنات كتير محترمة في لبسها واخلاقها وبردوا بتتعرض لمعاكسات
فمن راي انة بسبب انعدام التربية والاخلاق وعلي راي جيسي
الشاب الا بيعاكس دة مريض
والبنت الا بتلبس لبس غير لائق غير محترمة وهي الا جابتة لنفسها
شكرا لرايك نادر وتسلم لمرورك

انتى قراتى الرد براء

ايوة ميمو قرات رايك ومعاك حق
ورديت علية في التوبيك بتاعك
تسلم للتعليق الجميل ولمرورك ومتابعتك

سماح تسلمي
قوليلي لخليل اني حطيت الصورة تاني علشان ماقدرش علي زعلة

تسلم صقر لمروك

تسلم شاعر لمرورك

موضوع جميل ومهم يا براء وربنا يستر على بناتنا يارب

امين يا رضا

يسلمووووووووووووووو

يسلموووووووووووووووا

nice ya braaaaa
موضوع جميل جدا والواحد ميقدرش يقول غير
ربنااااااااااا يرحمنا كلنا بنات وولاد
من عمل صالحا فلنفسه ومن اسااااااء فعليها وماربك بظلام للعبيد
انشاء الله ربنا يهدينااااا الى الصراط المستقيم
وموضوع جاااااااامد جدا تسلم الايااااادى
ALLLLLLL MAGIC

يسلمواااااا براء

تسلم يا احمد
فينك مختفي لية؟

تسلمي عسلية

تسلمى براء

يسلموا