شعر مشهد راسى من ميدان امن الدوله

ظابط من امن الدولة كاتب قصيدة اسمها مشهد رأسي من مقر امن الدولة و بيقول فيها

خبىء فضائحك القديمة كلها
مزق ملفاتك القديمة كلها
و اكدب على مصر و قول دي زبالة حرقتها
.........لا عز بعد اليوم يفرض حديده
فلوث لمصر النيل و انفخ اهلها
مفارمك اجمل مكينتين تقرران بأن هذا الملف ماضي و انتهى
كان يداعبنا التكييف بالبرودة السقيع و لم نفسر وقتها
كنا ندفأ بعضنا ببدل رقصنا و نراك تتحسرين ..ننسى بردها
و اذا غضبت اولعي بجازها , و بفجرنا لازم ندنس وجهها
لا تتركيهم يخبروكي بأنني ظابط حرق الملف او سهى
لا تتركيهم يخبروكي بأنني اصبحت راجل غير موجها
فأنا ابن كلبك و ابن كلبك من اقال و من اعض و من اذل مصر و شعبها.

يسلموا ياحمادة على الموضوع

لا انا نقصان ولا ضعفان
ولا مسطول ولا سكران
ولا زايغ من عيني الضيّ
...ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عَندك .. عٍندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير

واني بغير

تسلم علاء عالموضوع

يسلموووووووووووو شوشو بس انا علاء مش حمادة

يسلموووووووووووووووو سامح

يسلموااااااااااا

يسلمووووووووووووووووو